ԵՐԵՎԱՆ 26 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 21 462,94 դրամ ԱՐԾԱԹ - 234,88 դրամ ՊԼԱՏԻՆ - 12 335,64 դրամ

Զոհրաբ Մնացականյանն անդրադարձել է Վաշինգտոնում իր և Մամեդյարովի, ոչ թե Փաշինյան-Ալիև հնարավոր հանդիպմանը․ ԱԳՆ պարզաբանումը

ՀՀ արտաքին գործերի նախարարության մամուլի խոսնակ Աննա Նաղդալյանը, Tert.am-ի հետ զրույցում անդրադառնալով լրատվամիջոցներում տարածված տեղեկությանը, թե նախարար Զոհրաբ Մնացականյանն ասել է, որ Փաշինյան-Ալիև հանդիպումը կկայանա Վաշինգտոնում, ասաց, որ համանախագահների կողմից առաջարկ է արվել կազմակերպելու Հայաստանի և Ադրբեջանի արտգործնախարարների հանդիպում, ոչ թե երկու երկրների ղեկավարների։ 

«Նախարարի կողմից ճեպազրույցի ժամանակ անդրադարձ է կատարվել հենց այդ՝ նախարարների հանդիպման հնարավորությանը»,-  ասաց նա: 

Հիշեցնենք, որ տարածվել էր տեղեկատվություն, որ ՀՀ արտգործնախարար Զոհրաբ Մնացականյանը Արևելյան գործընկերության 10-ամյակին նվիրված Բարձր մակարդակի համաժողովից հետո լրագրողների հետ ճեպազրույցում ասել էր, թե ակնկալվում է, որ Վաշինգտոնն է ընդունելու Նիկոլ Փաշինյանի և Իլհամ Ալիևի հաջորդ հնարավոր հանդիպումը։ 

Ըստ ԱԳՆ մամուլի խոսնակի՝ նախարարը իր պատասխանում նկատի է ունեցել իր և իր ադրբեջանցի գործընկերոջ հանդիպումը, քանի որ լրագրողները խոսում էին նաև նրանց հնարավոր հանդիպումից:


Եղանակ
Երևան
Արևոտ
Խոնավություն՝ 40%
Քամի՝ 6 կմ/ժ
26 C°
 
20°  31° 
28.06.2019
20°  31° 
29.06.2019
Հարցում

Հավանե՞լ եք «Գահերի խաղ»-ի վերջին սերիան: