ԵՐԵՎԱՆ 13 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Եվրոպացիների մեծ մասը չի բացառում Եվրամիության փլուզումն առաջիկա 20 տարում. հարցում

The Economist

Եվրոպացիների կեսից ավելին կարծում է, որ Եվրամիությունը, որի մեջ այժմ մտնում է 28 երկիր (միությունը լքող Մեծ Բրիտանիայի հետ միասին), հավանաբար կփլուզվի առաջիկա 20 տարում: Այս մասին է վկայում YouGov միջազգային սոցիոլոգիական ծառայության կողմից անցկացված հասարակական կարծիքի հարցումը, որի տվյալները մայիսի 16-ին ներկայացրել է The Guardian թերթը, փոխանցում է «ՏԱՍՍ»-ը: 

Հետազոտության համաձայն, որն անցկացվել է Միջազգային հարաբերությունների եվրոպական խորհրդի (ECFR) վերլուծական կենտրոնի պատվերով, Ֆրանսիայում, Գերմանիայում, Բելգիայում, Իտալիայում, Նիդեռլանդներում, Ավստրիայում, Սլովակիայում, Ռումինիայում, Հունաստանում, Չեխիայում և Լեհաստանում հարցման մասնակիցների 50 տոկոսից ավելին կարծում է, որ ԵՄ-ի փլուզումը «իրատեսական» է առաջիկա 10-20 տարվա ընթացքում: Այս կարծիքն է կիսում Ֆրանսիայում մասնակիցների 58 տոկոսը: Եվրոսկեպտիկներն ավելի շատ են միայն Սլովակիայում (66 տոկոս):

Միայն երեք երկրում՝ Շվեդիայում, Դանիայում և Իսպանիայում է, որ նման տխուր հեռանկար կանխագուշակողների բաժինը կազմել է հարցվածների կեսից պակաս մասը՝ 44%, 41% և 40%՝ համապատասխանաբար: Հարցման մասնակիցների շուրջ մեկ երրորդը, այդ թվում՝ Ֆրանսիայում և Լեհաստանում, չի բացառում ապագայում ԵՄ-ի անդամ երկրների միջև զինված հակամարտությունների ի հայտ գալը, որը հենց ստեղծվել է եվրոպական աշխարհամասում խաղաղությունն ու կայունությունը ամրապնդելու նպատակով: Այս կարծիքը, մասնավորապես, պաշտպանում է «Ազգային ճակատ» ֆրանսիական կուսակցության՝ հարցմանը մասնակցած կողմնակիցների 46 տոկոսը և «Այլընտրանք Գերմանիայի համար» գերմանական կուսակցության կողմնակիցների 41 տոկոսը: 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 28%
    Քամի՝ 1,54 կմ/ժ
    13 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: