ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Մենք կկարողանանք շուտով ցույց տալ որոշ արդյունքներ. Զոհրաբ Մնացականյան

ՀՀ ԱԳ նախարար Զոհրաբ Մնացականյանը պատասխանել է Հանրային Ռադիոյի լրագրողի հարցերին՝ Հայաստանի Առաջին Հանրապետության 101-ամյակին նվիրված միջոցառման շրջանակում.

Հարց. Դուք ընդունեցիք Մինսկի խմբի համանախագահներին, կարող եք  ասել առավել մանրամասն՝ ինչ եք քննարկել:

Զոհրաբ Մնացականյան. Մենք կկարողանանք շուտով ցույց տալ որոշ արդյունքներ՝ կապված հենց այն համաձայնությունների հետ, որ քննարկվել են Վիեննայում և Մոսկվայում: Մնացած հարցերը ևս քննարկվում են  այս պահին: Իհարկե, համանախագահները դեռևս Երևանում են, լինելու են նաև Ստեփանակերտում, այնուհետև պետք է գնան Բաքու: Դրանից հետո առավել համապարփակ կկարողանանք ամփոփել, որովհետև այս պահին այդ գործընթացները տեղի են ունենում:

Հարց. Պարոն Մնացականյան, ուզում եմ անդրադառնալ Մամեդյարովի հայտարարությանը, որտեղ ասվում է, որ «մենք Հայաստանին ժամանակ էինք տվել, որպեսզի ուսումնասիրեն, հիմա այդ ժամանակն սպառվել է»: Ինչպես կմեկնաբանեք:

Զոհրաբ Մնացականյան. Բազմաթիվ անգամ ասել ենք, նման լեզուն բանակցային լեզու չէ, առավել ևս բանակցողի համար վայել չէ: Սպառնալիքների լեզուն չի աշխատել և չի աշխատելու, բազմիցս ասել ենք դրա մասին: Բազմիցս ասել ենք նաև՝ Հայաստանը և Արցախը վճռական են իրենց պաշտպանության առումով: Տարբեր ձևերով ենք ասել դա: Իմաստը դա չէ: Դա որևէ կերպ չի նպաստում բնականոն աշխատանքին, առավել ևս, երբ բանակցողի կողմից է նման բան հնչում, դա վայել չէ:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 27%
    Քամի՝ 1,03 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: