ԵՐԵՎԱՆ 23 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 972,62 դրամ ԱՐԾԱԹ - 271,79 դրամ ՊԼԱՏԻՆ - 14 312,92 դրամ

Ավելի քան մեկ դար առաջ հայության պայքարելու անկոտրում կամքը ծնեցին Հայաստանի առաջին հանրապետությունը. Աշոտ Ղուլյան

Աշոտ Ղուլյանը Հանրապետության տոնի առթիվ շնորհավորական ուղերձ է հղել Արարատ Միրզոյանին.

«Հարգելի պարոն Միրզոյան,

թանկագին բարեկամ,

ջերմորեն շնորհավորում եմ Ձեզ և ՀՀ ԱԺ մեր գործընկերներին Հանրապետության տոնի առթիվ:

Ավելի քան մեկ դար առաջ հայության վճռականությունն ու պայքարելու անկոտրում կամքը ծնեցին Հայաստանի առաջին հանրապետությունը՝ ամրագրելով սեփական ճակատագիրը տնօրինելու դարերով կորսված իրավունքը: Թեև հայոց անկախ պետականության այդ ժամանակաշրջանը կարճատև էր, այնուամենայնիվ աչքի ընկավ փառահեղ դրվագներով և ազգային պետության ինստիտուցիոնալ զարգացմանն ուղղված քայլերով:

Մեր նորագույն պատմության այդ կարևոր ձեռքբերումն այն հուսալի հիմքն էր, որի վրա 1991թ. կառուցեցինք երկու հայկական հանրապետությունները՝ մեր միասնությամբ ապահովելով հայրենիքի կենսունակությունը:

Առիթն օգտագործելով՝ ցանկանում եմ երախտագիտություն հայտնել Ձեզ երկու խորհրդարանների միջև համագործակցության ամրապնդման ուղղությամբ ներդրվող ջանքերի և նվիրումի համար, որի լավագույն օրինակը Երևանում ՀՀ ԱԺ և ԱՀ ԱԺ միջխորհրդարանական համագործակցության հանձնաժողովի նիստի բարձր մակարդակով կազմակերպումն ու ջերմ ընդունելությունն էր:

Վերստին շնորհավորելով այս կարևոր տոնի առթիվ՝ մաղթում եմ անսպառ եռանդ և հայրենանվեր նախաձեռնություններ՝ հանուն հայոց պետականության զարգացման ու առաջընթացի»,-ասված է Արցախի խորհրդարանի ղեկավարի շնորհավորական ուղերձում:


Եղանակ
Երևան
Արևոտ
Խոնավություն՝ 25%
Քամի՝ 9 կմ/ժ
23 C°
 
  21° 
22.09.2019
  23° 
23.09.2019
Հարցում

Կո՞ղմ եք Ամուլսարի շահագործման հարցով հանրաքվեի անցկացմանը