ԵՐԵՎԱՆ 11 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ԵԱՀԿ գործող նախագահի հատուկ ներկայացուցիչն առաջարկել է կազմակերպել Հայաստանի և Ադրբեջանի խորհրդարանականների հանդիպում

ՀՀ ԱԺ Եվրոպայի անվտանգության և համագործակցության կազմակերպության խորհրդարանական վեհաժողովի պատվիրակության անդամները՝ Հայկ Կոնջորյանի ղեկավարությամբ հունիսի 3-ին հանդիպել են ԵԱՀԿ գործող նախագահի հատուկ ներկայացուցիչ, դեսպան Ռուդոլֆ Մեխալկայի գլխավորած պատվիրակության հետ: Զրուցակիցները քննարկել են Ղարաբաղյան հիմնախնդրի խաղաղ կարգավորման գործընթացին վերաբերող հարցեր:

Ռուդոլֆ Մեխալկան անդրադառնալով բանակցային գործընթացի հետ կապված հետագա քայլերին՝ առաջարկել է կազմակերպել Հայաստանի և Ադրբեջանի խորհրդարանականների հանդիպում:

Հայկ Կոնջորյանը բարձր է գնահատել ԵԱՀԿ ԽՎ շրջանակներում առկա արդյունավետ համագործակցությունը: Ներկայացնելով Ղարաբաղյան հակամարտության կարգավորման ուղղությամբ Հայաստանի դիրքորոշումը և մոտեցումները՝ պատվիրակության ղեկավարը վերահաստատել է հայկական կողմի՝ ԵԱՀԿ Մինսկի խմբի համանախագահության շրջանակում հիմնախնդրի բացառապես խաղաղ կարգավորման հանձնառությունը: Պատգամավորն ընդգծել է, որ ցանկացած ձևաչափով քննարկում պետք է չհակասի Մինսկի խմբի եռանախագահության քաղաքական բառապաշարին և համանախագահների հայտարարություններին: Նրա խոսքով՝ Հայաստանը կողմնակից է հասարակություններին խաղաղության պատրաստելու նախաձեռնությանը: Միաժամանակ, Հայկ Կոնջորյանը կարևորել է Արցախի՝ բանակցությունների սեղան վերադառնալը:

Ի թիվս մի շարք այլ հարցերի՝ կողմերն անդրադարձել են Հայաստան-Թուրքիա հարաբերություններին:

На русском

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 71%
    Քամի՝ 0,51 կմ/ժ
    10 C°
     
    25°  14° 
    17.04.2024
    27°  15° 
    18.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: