Մենք պատերազմ չենք մղում ոչ մի ժողովրդի դեմ. Ռոուհանի

• 18.06.2019, 13:58
•  Ամերիկա,  Տարածաշրջան,  Մերձավոր Արևելք,  Աշխարհ

Vestnik Kavkaza

Իրանը պատերազմ չի մղում ոչ մի ազգի դեմ, բայց պատրաստ է դիմակայել այլ պետությունների թշնամական գործողություններին: Ինչպես տեղեկացնում է «Արմենպրես»-ը, այս մասին հունիսի 18-ին հայտարարել է Իրանի նախագահ Հասան Ռոուհանին՝ ելույթ ունենալով Թեհրանի իմամ Հոմեյնիի անվան միջազգային օդանավակայանում նոր թերմինալի բացման արարողությանը:

«Մենք պատերազմ չենք մղում ոչ մի ժողովրդի դեմ: Վերջ ի վերջո հաղթողը լինելու է Իրանի ժողովուրդը, որովհետև մեր ընդդիմախոսներն ազգ չեն: Դա ոչ փորձառու քաղաքական գործիչների խումբ է, չինովնիկների խումբ, այլ ոչ թե ամբողջ երկիր: Մինչդեռ ամբողջ իրանական ազգն է ներգրավված պայքարում»,- Ռոուհանիի խոսքը մեջբերել է Mehr գործակալությունը:

Նախագահը նշել է, որ մի շարք երկրների ներկայիս հակաիրանական քաղաքականության նպատակն իրանցիների «հույսերը խորտակելն է և կամքը կոտրելը»: «Նրանք դավեր են նյութում, բայց մեր ազգը չի կորցնի արժանապատվությունը: Մենք ցանկանում ենք խափանել մեր հակառակորդի չար մտադրությունները: Մենք տեսնում ենք, որ մեզ վրա գործադրող ճնշումն ուժեղացել է, բայց դրան մեր հակազդումն էլ է ուժգնացել»,- ասել է նախագահը: Նա նաև ուշադրություն է դարձրել այն բանի վրա, որ, չնայած պատժամիջոցներին, Իրանը խնդիրներ չունի օդանավակայաններն ու ինքնաթիռները անհրաժեշտ ամեն ինչով, այդ թվում՝ պահեստամասերով ապահովելու հարցում: