Պատերազմի սպառնալիքով որևէ մեկը մեզ չի կարող վախեցնել. Նիկոլ Փաշինյան

• 19.06.2019, 20:17
•  Տարածաշրջան,  Աշխարհ,  Հայաստան,  ԼՂՀ

Անկեղծ ասած՝ ես ինձ չեմ հիշում Ղարաբաղի հարցի կարգավորման լավատեսական տրամադրություն հաղորդելիս, որովհետև ընդհակառակը՝ միշտ ասել եմ, որ պատերազմն ավարտված չէ, և այն ցանկացած պահի կարող է բռնկվել, այսօր՝ ԱԺ-կառավարություն  հարցուպատասխանի ժամանակ ասաց ՀՀ վարչապետ Նիկոլ Փաշինյանը, հայտնում է «Այսօր»-ը։

«Ադրբեջանը պարզապես ցանկանում է փորձ անել Ղարաբաղի հարցի կարգավորումը դուրս բերել կառուցողական, բանակցային հունից։ Այս գործիքն Ադրբեջանը երկար ժամանակ կիրառում է, Հայաստանը, ԶՈՒ պատրաստականության մակարդակը բարձրացնելով, պետք է դիմակայի։ Հայաստանն ու Արցախը պատերազմ չեն ուզում, բայց պատերազմի սպառնալիքով որևէ մեկը մեզ չի կարող վախեցնել», - ասաց նա։

ԼՀԿ խմբակցության պատգամավոր Արման Բաբաջանյանը հետաքրքրվեց՝ ինչպե՞ս է գործադիրի ղեկավարը գնահատում հայկական կողմի դիվանագիտական ջանքերը, արդյոք այս դաշտում արվում է առավելագույնը։

Վարչապետն ի պատասխան նկատեց, որ Հայաստանը շարունակում է դիվանագիտական ջանքերը։

«Մեր դիվանագիտական ջանքերը որոշ ուղղություններով եղել են շատ արդյունավետ։ Կարծում  եմ՝ մեր դիվանագիտությունը սկսում է ավելի ու ավելի արդյունավետ լինել», - ասաց նա։