ԵՐԵՎԱՆ 17 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 23 197,02 դրամ ԱՐԾԱԹ - 278,48 դրամ ՊԼԱՏԻՆ - 14 513,44 դրամ

Եվրոպայում և Աֆրիկայում ԱՄՆ օդուժի ղեկավարը պատմել է հայկական արմատների մասին

AP

ԱՄՆ ռազմաօդային ուժերի գեներալ Ջեֆրի Հարիգյանն իսկապես հայկական արմատներ ունի, իսկ հայրական կողմից նրա տատն ու պապը ԱՄՆ են մեկնել Հայաստանից: Այս մասին NEWS.am-ի հարցմանն ի պատասխան ասել է գեներալը:

«Իմ տատն ու պապը հայրական կողմից ծնունդով Հայաստանից են, Երևանից: Նրանք անցնելով ԱՄՆ Էլլիս կղզին բնակություն են հաստատել Չիկագոյում»,- պատմել է գեներալը, որը վերջերս նշանակվել է Եվրոպայում և Աֆրիկայում ԱՄՆ օդուժի ղեկավարի պաշտոնում:

«Ես մեծացել եմ հայկական կերակուրներով և գրեթե ամեն հանգստյան օր անցկացրել եմ հորս ծնողների տանը»:

Հարիգյանը ռազմական օդաչու է, 1985 թվականին ավարտել է ԱՄՆ ՌՕՈւ Ակադեմիան:

Նա ավելի քան 4100 ժամ թռիչք է իրականացրել F-22 և F-15C ինքնաթիռներով: Գեներալը նաև նշել է, որ ինքն ընտանիքում առաջին զինվորականը չէ.

«Մորեղբայրս ծառայել է բանակում, իսկ մորս հայրը՝ նավատորմում»:

Հարիգյանն ավելի վաղ զբաղեցրել է ԱՄՆ ՌՕՈւ Կենտրոնական հրամանատարության հրամանատարի պաշտոնը, ղեկավարել է Աֆղանստանում թալիբների և Իրաքում ու Սիրիայում «Իսլամական պետության» դեմ օդային արշավը:     


Եղանակ
Երևան

Խոնավություն՝ 55%
Քամի՝ 7 կմ/ժ
17 C°
 
15°  29° 
19.09.2019
15°  30° 
20.09.2019
Հարցում

Կո՞ղմ եք Ամուլսարի շահագործման հարցով հանրաքվեի անցկացմանը