ԵՐԵՎԱՆ 9 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 24 899,1 դրամ ԱՐԾԱԹ - 282,75 դրամ ՊԼԱՏԻՆ - 15 164 դրամ

Կաթողիկոսն ընդունել է Իրաքի Քրդիստանի ինքնավար մարզի նախկին փոխվարչապետին

Հունիսի 21-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունել է Իրաքի Քրդիստանի ինքնավար մարզի նախկին փոխվարչապետ և ֆինանսների նախարար Սարգիս Աղաջանին՝ ուղեկցությամբ Իրաքի Հայոց թեմի առաջնորդ Գերաշնորհ Տ. Ավագ արքեպիսկոպոս Ասատուրյանի: Այս մասին տեղեկանում ենք Մայր Աթոռի ֆեյսբուքյան էջից: 

Զրույցի ընթացքում Նորին Սրբությունն իր երախտագիտությունն է հայտնել հյուրին` դժվարին տարիներին Իրաքում տարբեր ազգությունների քրիստոնյաներին՝ այդ թվում նաև հայերին, ցույց տրված աջակցության և անվտանգ ապաստան տրամադրելու համար:

Հայոց Հայրապետն իր մասնավոր գնահատանքն է բերել տիար Աղաջանին Դհոք քաղաքում հայկական Սուրբ Ներսես Շնորհալի եկեղեցու և հայկական Հավրեզք բնակավայրի կառուցումը հովանավորելու, ինչպես նաև Էրբիլ քաղաքի հայկական նորակառույց Սուրբ Խաչ եկեղեցու տարածքը բարեկարգելու համար:

Իր հերթին պրն. Սարգիս Աղաջանը, շնորհակալություն հայտնելով Նորին Սրբությանը ջերմ ընդունելության համար, հավաստիացրել է, որ շարունակելու է իր օգտակարությունն ու աջակցությունը բերել Իրաքի քրիստոնեական համայնքներին: Վերջինս տեղեկություններ է փոխանցել Վեհափառ Հայրապետին Իրաքում բնակվող քրիստոնյաների ներկայիս կացության մասին:

Հանդիպման վերջում Նորին Սրբությունը տիար Սարգիս Աղաջանին մաղթել է Աստծո պահպանության ներքո շարունակելու իր աստվածահաճո և արդյունավոր գործունեությունը:

 


Եղանակ
Երևան
Մասամբ ամպամած
Խոնավություն՝ 53%
Քամի՝ 9 կմ/ժ
8 C°
 
-1°   
25.02.2020
-4°   
26.02.2020
Հարցում

Համաձա՞յն եք, որ Հայաստանում սահմանադրական փոփոխություններ տեղի ունենան: