ԵՐԵՎԱՆ 24 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 23 197,02 դրամ ԱՐԾԱԹ - 278,48 դրամ ՊԼԱՏԻՆ - 14 513,44 դրամ

Ամերիկայի և Ռուսաստանի միջև սառույցը հալչում է

MIKHAIL KLIMENTYEV/AFP/Getty Images

Միացյալ նահանգների նախագահ Դոնալդ Թրամփի և Ռուսաստանի նախագահ Վլադիմիր Պուտինի միջև օրերս Օսակայում «Մեծ քսանյակի» գագաթնաժողովի շրջանակներում տեղի ունեցած հանդիպումն առաջին հայացքից հիմք է տալիս ենթադրելու, որ երկու երկրների հարաբերություններում  որոշակի բարելավման միտում է նկատվում:

Նախագահները քննարկել են հարցերի մի ամբողջական փաթեթ` հայտարարելով, որ հարաբերությունների բարելավումը երկու երկրների և ամբողջ աշխարհի շահերից է բխում։

Մասնավորապես ԱՄՆ նախագահ Դոնալդ Թրամփի խոսքով՝ Վլադիմիր Պուտինի հետ բանակցությունների ընթացքում բազմաթիվ պայմանավորվածություններ են ձեռք բերվել: Թրամփը նշել է նաև, որ Պուտինը` «հիանալի տղա է և արտակարգ մարդ», իսկ բուն հանդիպումը նա բնութագրել է մեկ բառով` «հրաշալի էր»։

Ռուսաստանի առաջնորդն, իր հերթին, այս հանդիպումը լավ հնարավորություն է որակել Հելսինկյան պայմանավորվածությունները շարունակելու համար։

Բացի Իրանում, Սիրիայում, Վենեսուելայում և Ուկրաինայում տիրող իրավիճակից կողմերը քննարկել են նաև մի շարք երկկողմ հարցեր, այդ թվում առևտրաշրջանառությունը խթանելուն և սպառազինության վերահսկողությանը վերաբերող:

Ուշագրավ է այն, որ հանդիպմանը որոշում է կայացվել ստեղծել գործարար խորհուրդ կամ խորհրդատվական մեխանիզմ, որը կնպաստի առևտրաշրջանառությանը խթանելուն: Թրամփի խոսքով` երկրների միջև առևտրաշրջանառության ցածր մակարդակը «պարզապես ծիծաղելի է»:

Նշենք, որ չնայած Ռուսաստանի դեմ ԱՄՆ պատժամիջոցներին, ԱՄՆ-ի մի շարք գործարարներ հետաքրքրություն են ցուցաբերում ռուսական շուկայում աշխատելու հարցում: Սակայն երկու երկրների միջև առևտրաշրջանառության մակարդակը շարունակում է շատ ցածր մնալ:

Հատկանշական է նաև, որ  բանակցությունները որոշակի նախադրյալներ ստեղծեցին զենքի սահմանափակման համար: Ռուսաստանի նախագահի խոսքերով, արտաքին գործերի նախարարությունների ղեկավարներին հանձնարարվել է խորհրդակցություններ անցկացնել Միջուկային հարձակողական սպառազինությունների START պայմանագրի երկարացման հարցի շուրջ, որն ավարտվում է 2021 թվականին:

Ինչպես երևում է և´ բանակցությունների արդյունքից, և´ առաջնորդների հայտարարությունների,ց երկու երկրների հարաբերություններում որոշակի ջերմացում է նկատվում: Ամենից առաջ Թրամփ-Պուտին հադիպումը և հարաբերությունների կարգավորումը կարևոր է ներկայում ստեղծված աշխարհաքաղաքական իրավիճակի տեսանկյունից:  Սակայն կհաջովի՞ նրանց պահպանել դրական տրամադրվածությունը և խոսքից գործի անցնել՝ միանշանակ ասելը դժվար է:

Իրականում, կարելի է ասել, որ ներկայումս ԱՄՆ-Ռուսաստան հարաբերությունները կախված են 2020թ.-ին ԱՄՆ-ում կայանալիք ընտրություններից և երկրում տիրող հակառուսական տրամադրությունների աստիճանից: Եթե ռուս-ամերիկյան հարաբերություններն ընտրությունների նախաշեմին վտանգ ներկայացնեն Թրամփի վարկանիշին, ապա վերջինս  չի ձեռնարկի քայլեր` հարաբերությունները բարելավելու ուղղությամբ:


Եղանակ
Երևան
Մասամբ ամպամած
Խոնավություն՝ 31%
Քամի՝ 6 կմ/ժ
24 C°
 
14°  27° 
16.09.2019
15°  27° 
17.09.2019
Հարցում

Կո՞ղմ եք Ամուլսարի շահագործման հարցով հանրաքվեի անցկացմանը