Մեզանից յուրաքանչյուրն իրեն դնում է գիտունիկի տեղ և փորձում մեկնաբանել Սահմանադրությունը

• 05.07.2019, 16:22
•  Հայաստան

Այսօր՝ հուլիսի 5-ին, ՀՀ երրորդ նախագահ Սերժ Սարգսյանն Արագածոտնի մարզի Աղձք գյուղում գտնվող հայոց արքաների դամբարան այցելության ժամանակ զրուցել է լրագրողների հետ, հայտնում է News.am-ը: 

Հարցին, թե արդյո՞ք Սերժ Սարգսյանը հետևում է Արցախի հարցով զարգացումներին, նա պատասխանեց. «Այսօր նմանատիպ հարցերի պատասխանելու օրը չէ՝ թող շոգերն անցնի, նոր»:

Նա շնորհավորեց բոլորին Սահմանադրության օրվա կապակցությամբ և մաղթեց, որ բոլորն ամեն կերպ պաշտպանեն Սահմանադրությունը՝ անկախ նրանից լա՞վ են համարում, թե՞ վատ. «Մաղթում եմ, որ ամեն կերպ պաշտպանեք մեր Սահմանադրությունը, անկախ նրանից՝ լա՞վ եք համարում, թե՞ վատ։ Մեզանից յուրաքանչյուրն իրեն դնում է գիտունիկի, իրավաբանի տեղ և փորձում մեկնաբանություններ տալ. ինչ կա, մեզ համար պարտադիր է»։