ԵՐԵՎԱՆ 2 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 528,19 դրամ ԱՐԾԱԹ - 255,88 դրամ ՊԼԱՏԻՆ - 14 222,19 դրամ

Վարչապետի աշխատակազմում ՄԻԵԴ-ում ներկայացուցչի գրասենյակ կստեղծվի

ՀՀ ազգային ժողովն առաջին ընթերցմամբ ընդունեց կառավարության կողմից ներկայացված օրենքի նախագիծը, որով առաջարկվում է վարչապետի աշխատակազմում ստեղծել համապատասխան վարչական պաշտոն՝ Մարդու իրավունքների եվրոպական դատարանում լիազոր ներկայացուցչի մասով, և վերջինիս աջակցող գրասենյակ: «Արմենպրես»-ի հաղորդմամբ՝ ՄԻԵԴ-ում Հայաստանի Հանրապետության ներկայացուցչի մասին և կից ներկայացված օրենքների նախագծերի փաթեթն ընդունվեց 61 կողմ, 20 դեմ և 16 ձեռնպահ ձայներով:

ՀՀ արդարադատության փոխնախարար Արտակ Ասատրյանը նշել էր օրենքի նախագիծը ներկայացնելու պատճառը:  «2003-ի դեկտեմբերին կառավարությունն ընդունեց ՄԻԵԴ-ում լիազոր ներկայացուցչի մասին որոշումը, այնուհետև 2017-ին փոփոխություններ եղան, ընդունվեց նոր որոշում: Տարիների ընթացքում լիազոր ներկայացուցիչը համատեղությամբ պաշտոնավորել էր մի շարք աշխատանքներում՝ փաստացի համատեղելով նաև ՄԻԵԴ-ում ներկայացուցչի պաշտոնը: Եվ ի պաշտոնե նաև Արդարադատության նախարարի համապատասխան տեղակալը համակարգում էր այն աշխատանքները, որոնք իրականացվում էին արդարադատության նախարարության ՄԻԵԴ-ի հետ կապերի վարչության միջոցով։ Դա կոչված էր աջակցելու լիազոր ներկայացուցչին իր լիազորությունների իրականացման հարցում: Վերջին տարիներին Եվրոպական դատարանը, ներդնելով աշխատանքային նոր մեթոդներ, պարզեցված վարույթների շրջանակում արագացրել է հաղորդակցությունը ՀՀ կառավարության հետ: Ներկայում լիազոր ներկայացուցչի գործառույթներն իրականացնում է վարչապետի խորհրդականը, ով նաև համատեղության կարգով կառավարության ներկայացուցիչն է Եվրոպական դատարանում: Եվ այս պահին մենք ունենք խնդիր՝ բավարար հստակությամբ ամրագրված չեն լիազոր ներկայացուցչի և նախարարության համապատասխան ստորաբաժանման հետ շփումները, ինչի արդյունքում խնդիրներ են առաջանում»,- ներկայացրել էր Ասատրյանը:

Ահա այս անհրաժեշտությունից ելնելով առաջարկվում է վարչապետի աշխատակազմում ստեղծել համապատասխան վարչական պաշտոն՝ լիազոր ներկայացուցչի մասով և վերջինիս աջակցող գրասենյակ՝ օրենքով նախատեսված լիազորությունների իրականացմանն օժանդակելու համար: Բացի այդ, օրենքով նախատեսվում են այն հիմնական ուղղությունները, որոնցով պետք է զբաղվի լիազոր ներկայացուցիչը, այդ թվում շահերի ներկայացման, վճիռների կատարման ուղղությամբ և այլն:


Եղանակ
Երևան
Ամպամած
Խոնավություն՝ 85%
Քամի՝ 3 կմ/ժ
2 C°
 
   
17.12.2019
   
18.12.2019
Հարցում

Արդյոք Հայաստանի իշխանությունները բավարար չափո՞վ են տեղեկացնում մեր հասարակությանը Ղարաբաղյան հակամարտության կարգավորման գործընթացի մասին: