ԵՐԵՎԱՆ 33 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 23 001,02 դրամ ԱՐԾԱԹ - 261,8 դրամ ՊԼԱՏԻՆ - 13 051,63 դրամ

Փաշինյանի կողմից անիրատեսական ծրագրերից խոսելը հերթական փախուստն է իրականությունից ու իրական պատասխանատվությունից

Ստեփանակերտի Վերածննդի հրապարակից ՀՀ վարչապետ Նիկոլ Փաշինյանը հայտարարեց, որ իրատեսական ծրագրերը մեզ այլևս չեն հետաքրքրում, մեզ անիրատեսական ծրագրերն են հետաքրքիր: Իսկապես, գուցե երկրի զարգացման համար պետք են, անհրաժեշտ են անհատներ՝ առաջին հայացքից անիրատեսական ու խենթ գաղափարներով: Գուցե… Սակայն միանշանակ է, որ երկրի զարգացման ու առաջընթացի համար անհրաժեշտ է կառավարություն՝ իրատեսական ու իրականանալի ծրագրով՝ կարճաժամկետ, միջնաժամկետ ու երկարաժամկետ կտրվածքով:

Վարչապետի կողմից անիրատեսական ծրագրերից խոսելը հերթական փախուստն է իրականությունից ու իրական պատասխանատվությունից: Ի վերջո, իրատեսական ծրագրերի իրականացման համար անհրաժեշտ է հետևողականություն և լավ մշակված քաղաքականություն՝ իր կոնկրետ ու շատ հստակ քայլերով: Իրատեսական ծրագրերի իրականացման դեպքում ակնկալվում է շատ իրական, շոշափելի արդյունք, ինչն ապահովելու համար առաջին հերթին անհրաժեշտ հմտություններ ու կարողություններ է պետք ունենալ:

Ի վերջո, այս մեկ տարին բավարար ընթացք էր՝ հասկանալու համար, որ իրատեսական ու շոշափելի արդյունքներ այս կառավարությունն ի վիճակի չէ ապահովել: Կտրուկ անցումը դեպի երկարաժամկետ պլանավորման՝ կիսատ ու անավարտ թողնելով դեռ մեկ տարի առաջ արված խոստումները, առանձնապես հույս չի ներշնչում, որ երկարաժամկետ կրտվածքով պլանավորված քայլերը երբևէ իրականություն կդառնան: Ի վերջո, վարչապետն ինքն ասեց՝ մեզ անիրատեսական ծրագրեր են հետաքրքիր… Այլ կերպ ասած՝ ժողովու՛րդ, լուրջ ակնկալիքներ պետք չէ ունենալ:


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 15%
Քամի՝ 15 կմ/ժ
33 C°
 
20°  34° 
24.08.2019
20°  33° 
25.08.2019
Հարցում

Կո՞ղմ եք Ամուլսարի շահագործման հարցով հանրաքվեի անցկացմանը