ԵՐԵՎԱՆ 1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 23 970,88 դրամ ԱՐԾԱԹ - 277,71 դրամ ՊԼԱՏԻՆ - 15 681,95 դրամ

Արցախի Ազգային ժողովում հյուրընկալել են Եվրախորհրդարանի պատգամավորին

Եվրախորհրդարանի պատգամավոր Մ. Զոնեբորնի գլխավորած պատվիրակությունը Հայ Դատի Եվրոպայի հանձնախմբի նախագահ Գասպար Կարապետյանի ուղեկցությամբ ժամանել են Արցախ և հանդիպումներ ունեցել Արցախի Հանրապետության Ազգային ժողովի նախագահի և «ԱՀ-Եվրախորհրդարան» բարեկամական խմբի պատգամավորների հետ:

Ողջունելով պատգամավորի հերթական այցն Արցախ՝ ԱԺ նախագահ Աշոտ Ղուլյանը շնորհավորել է Մարտին Զոնեբորնին Եվրախորհրդարանի ընտրություններում վերջերս գրանցած հաջողության առիթով և ընդգծել նրա դերակատարությունը Գերմանիայից տարբեր բնագավառների մասնագետների այցելությունն Արցախ կազմակերպելու գործում:
«Նման մակարդակով համագործակցությունը Եվրոպական ընդհանուր ընտանիքի հետ հարաբերություններ հաստատելու լավագույն միջոցն է, ինչի շնորհիվ նաև աշխարհին են ներկայացվում այն ցանկություններն ու երազանքները, որոնք ունի Արցախի ժողովուրդը», - նշել է Ա. Ղուլյանը:

Մարտին Զոնեբորնը շնորհակալություն է հայտնել ընդունելության համար՝ կարևորելով արդեն իսկ հաստատված ամուր կապերի շարունակականությունը. «Ուրախ եմ, որ Արցախի նկատմամբ հետաքրքրությունն աճում է մեր փոքրիկ աշխարհում՝ Գերմանիայում, ինչի վառ ապացույցը Գերմանիայից նախորդ տարվա համեմատ հինգ անգամ ավելի մեծ պատվիրակության այցն է Արցախ»:

Հանդիպմանը մասնակցել են ԱՀ ԱԺ նախագահի տեղակալ Վահրամ Բալայանը, ԱԺ արտաքին հարաբերությունների մշտական հանձնաժողովի նախագահ Արզիկ Մխիթարյանը, Հայ Դատի Եվրոպայի հանձնախմբի նախագահ Գասպար Կարապետյանը, հանձնախմբի գործադիր տնօրեն Հեղինե Էվինյանը:

Այնուհետև Եվրախորհրդարանի պատգամավորի ղեկավարած պատվիրակությունը հանդիպել է «Արցախի Հանրապետություն-Եվրախորհրդարան»բարեկամական խմբի անդամներին:
Քննարկվել են հետագա համատեղ ծրագրերի իրականացմանը, ոլորտային ուղղություններով մասնագիտական մակարդակով խորհրդատվությունների անցկացմանն ու դիտորդական գործունեության իրականացման վերաբերյալ հարցեր:


Եղանակ
Երևան
Մասամբ ամպամած
Խոնավություն՝ 61%
Քամի՝ 5 կմ/ժ
1 C°
 
-6°   
21.01.2020
-5°   
22.01.2020
Հարցում

Իրան-ԱՄՆ դիմակայության ուժեղացումը կանդրադառնա՞ Հայաստանի վրա: