ԵՐԵՎԱՆ 10 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 029,85 դրամ ԱՐԾԱԹ - 270,35 դրամ ՊԼԱՏԻՆ - 12 683,63 դրամ

Ավարտվել է Շվեդիայի խորհրդարանի նախագահի այցը Հայաստան

Ավարտվել է Շվեդիայի խորհրդարանի նախագահ Անդրեաս Նորլենի պաշտոնական այցը Հայաստան։ Այս մասին «Ֆեյսբուք»-ի իր էջում գրառում է կատարել ՀՀ ԱԺ նախագահ Արարատ Միրզոյանը: 

«Ավարտվեց Շվեդիայի խորհրդարանի նախագահ Անդրեաս Նորլենի պաշտոնական այցը Հայաստան։ Ուրախ էի Հայաստանում ընդունել իմ գործընկերոջը և նրան ուղեկցող խորհրդարանի երեք փոխնախագահներին ու բոլոր ֆրակցիաների ղեկավարներին, ծանոթացնել նրանց մեր մշակույթին ու պատմությանը։

Մեր երկրում տեղի ունեցած ժողովրդավարական հեղափոխությունից հետո Շվեդիան անկեղծ հետաքրքրություն ցուցաբերեց մեր երկրի նկատմամբ և պատրաստակամություն հայտնեց աջակցել մեր բարեփոխումներին։

Որպես այդ պատրաստակամության գործուն ապացույց՝ Շվեդիան նախորդ տարի մաս կազմեց մեր ընտրական համակարգին աջակցող միջազգային ծրագրին և այժմ մասնակցում է ՀՀ Ազգային ժողովի կարողությունների ընդլայմանն աջակցող մեկ այլ ծրագրի։

Բացի այդ, երկու ամիս առաջ Շվեդիա կատարած իմ այցի վերջին օրը՝ հունիսի 13-ին, Շվեդիայի կառավարությունը փոփոխություն կատարեց իր համապատասխան փաստաթղթում (Swedish Reform Cooperation in Eastern Europe, Western Balkans and Turkey 2014-2020)՝ հնարավորություն բացելով Հայաստանին ցուցաբերվող ֆինանսական աջակցությունն ընդլայնելու համար։ Ընթացքի մեջ են մի շարք համատեղ ծրագրերի մշակման աշխատանքները։

Շվեդիան իրավամբ համարվում է հասուն ժողովրդավարության երկիր և ոգևորիչ օրինակ է մեր համար»,- գրել է Միրզոյանը։


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 82%
Քամի՝ 4 կմ/ժ
10 C°
 
13°  26° 
27.05.2020
15°  28° 
28.05.2020
Հարցում

Բավարա՞ր եք համարում Հայաստանում կորոնավիրուսի համաճարակի տարածման դեմ ձեռնարկվող միջոցները: