ԵՐԵՎԱՆ -3 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 23 885,35 դրամ ԱՐԾԱԹ - 276,91 դրամ ՊԼԱՏԻՆ - 15 304,61 դրամ

Կառավարության կողմից չկանոնակարգված արտոնությունների տրամադրումը բազմաթիվ հարցադրումների տեղիք է տալիս

Ինչպես հայտնի է, Կառավարության օգոստոսի 29-ի նիստին որոշում կայացվեց բավարարել է «Ջերմուկ Գրուպ» ՓԲԸ կողմից ներկայացված ՝ ներմուծման մաքսատուրքից ազատելու արտոնությունից օգտվելու համար հայտը:

Պրակտիկան հուշում է, որ Կառավարության կողմից այս կամ այն ընկերություններին արտոնությունների սահմանումը հիմնվում է օրենքով սահմանված կարգով նախատեսված չափանիշների վրա: Երբեմն այդ նպատակով ընդունված կառավարության որոշումները լինում են բացառություններ, սակայն հստակ ամրագրում են պարամետրեր, որոնց մասշտաբայնությունն ու արդյունավետությունը հիմք են որոշման կայացման համար:

Վերջին երկու նիստերին ականատես եղանք մի քանի ընկերություններին արտոնությունների տրամադրմանը: Երկու շաբաթվա ընթացքում տրամադրված արտոնությունների թիվը կազմեց շուրջ 31,3 մլրդ դրամ: Ըստ էության, կան արտոնություններ, չկան դրանց տրամադրման հիմնավորումները: Փոխարենը կա միտում, երբ արտոնություն են ստանում խոշոր ընկերությունները:

Այս դեպքում մի քանի հարց է առաջանում: Արդյո՞ք առավել նպատակահարմար չէր լինի այդքան գումարն ուղղել սկսնակ բիզնեսներին աջակցությանը՝ դրանով իսկ կատարելով կառավարության խոստումը: Արդյո՞ք որևէ կերպ արտոնության տրամադրումը  «Ջերմուկ Գրուպին» կապված չէ ընկերության սեփականատիրոջ անձի հետ,  կամ՝ Ամուլսարի հանքի շահագործման հետ կապված Ջերմուկում սկիզբ առած անհանգստությունների: Հարցերի շարքը կարելի է շարունակել այնքան ժամանակ, քանի դեռ Կառավարության որոշումներն՝ այս կամ այն ընկերություններին արտոնության տրամադրման մասով չկանոնակարգվեն և հանրայնացվեն:

այլ նյութեր այս թեմայով


Եղանակ
Երևան
Պարզ երկինք
Խոնավություն՝ 49%
Քամի՝ 5 կմ/ժ
-3 C°
 
-2°   
29.01.2020
-2°   
30.01.2020
Հարցում

Իրան-ԱՄՆ դիմակայության ուժեղացումը կանդրադառնա՞ Հայաստանի վրա: