ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Կանադան և Հայաստանը կապված են արդարության ընդհանուր արժեքներով. Ջասթին Թրյուդո

Կանադայի վարչապետ, Լիբերալ կուսակցության առաջնորդ Ջասթին Թրյուդոն Հայաստանի Անկախության օրվա կապակցությամբ հանդես է եկել հայտարարությամբ: Ինչպես հաղորդում է  կուսակցության պաշտոնական կայքը` Թրյուդոն մասնավորապես ասել է.

«Միանում ենք Կանադայի և ամբողջ աշխարհի հայ համայնքներին միասին նշելու Հայաստանի անկախության տարեդարձը:

Կանադան և Հայաստանը կապված են արդարության, ժողովրդավարության, ազատության ընդհանուր արժեքներով, իսկ միջազգային կազմակերպություններում` համատեղ աշխատանքով, ինչպիսին է Ֆրանկոֆոնիայի գագաթաժողովը։

Անցյալ տարի ես հնարավորություն ունեցա Հայաստան այցելելու և վարչապետ Փաշինյանի հետ հանդիպելու, որպեսզի քննարկենք ճանապարհորդության, զբոսաշրջության և առևտրի ոլորտում մեր երկկողմ հարաբերությունների հետագա զարգացումը։ Այդ այցը լույս սփռեց կանադացիների և հայերի սերտ կապերի վրա՝ այն կապերի, որ ընկած են մեր հարաբերությունների հիմքում:

Վերջին մի քանի տարիների ընթացքում Կանադայի հայերն ընդունել են հազարավոր սիրիացի փախստականների և արել են ամեն ինչ, որպեսզի նրանք կարողանան նոր կյանք սկսել։

Մեր ընտանիքի անունից ես և Սոֆին մեր լավագույն մաղթանքներն ենք հայտնում բոլորին, ովքեր նշում են Հայաստանի Անկախության օրը»:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 25%
    Քամի՝ 0,51 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: