ԵՐԵՎԱՆ 7 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ժակ Շիրակի հուղարկավորմանը կմասնակցեն աշխարհի երկրների ութ տասնյակ ղեկավարներ

Աշխարհի երկրների ութ տասնյակ ղեկավարներ կժամանեն Փարիզ՝ սեպտեմբերի 30-ին մասնակցելու Ֆրանսիայի նախկին նախագահ Ժակ Շիրակի հիշատակի արարողությանը: Այդ մասին հայտնել է France Presse գործակալությունը՝ վկայակոչելով Ելիսեյան պալատը:

Փարիզ են ժամանելու Ռուսաստանի նախագահ Վլադիմիր Պուտինը, Իտալիայի նախագահ Սերջո Մատարելան, Գերմանիայի նախագահ Ֆրանկ Վալտեր Շտայնմայերը, Եվրահանձնաժողովի նախագահ Ժան Կլոդ Յունկերը, Բելգիայի վարչապետ Շառլ Միշելը, Լիբանանի վարչապետ Սաադ Հարիրին, Վրաստանի նախագահ Սալոմե Զուրաբիշվիլին, Հունգարիայի կառավարության ղեկավար Վիկտոր Օրբանը, Մոնակոյի իշխան Ալբեր Երկրորդը և ուրիշներ: Փարիզի Սեն Սյուլպիս տաճարում կայանալիք արարողությանը ներկա կլինեն Հորդանանի Աբդալա Երկրորդ թագավորը և Կատարի էմիր Թամիմ բեն Համադ ալ Թանին: Շիրակի մերձավորների ու ազգականների ներկայությամբ անցկացվելիք հիշատակի արարողությունը կգլխավորի Ֆրանսիայի նախագահ էմանուել Մակրոնը: Սպասվում է նաև Շիրակի դարաշրջանի քաղաքականության ներկայացուցիչների ներկայությունը, որոնց թվում են՝ Գերմանիայի նախկին կանցլեր Գերհարդ Շրյոդերը, Իսպանիայի կառավարության նախկին ղեկավար Խոսե Լուիս Ռոդրիգես Սապատերոն, ԱՄՆ-ի նախկին նախագահ Բիլ Քլինթոնը և Աֆղանստանի նախկին նախագահ Համիդ Քարզայը: Սեպտեմբերի 30-ը Ֆրանսիայում հայտարարված է ազգային սգո օր: Պետական հիմնարկությունների դրոշները խոնարհված են: Կեսօրին Ելիսեյան պալատում ճաշկերույթ կկազմակերպվի ի պատիվ Ֆրանսիա ժամանած երկրների ղեկավարների և նշանավոր քաղաքական գործիչների:

Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 53%
    Քամի՝ 0,51 կմ/ժ
    6 C°
     
    21°  10° 
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: