ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ռուսաստանն ու Թուրքիան ապրանքաշրջանառության դիմաց միմյանց կվճարեն ռուբլով և լիրայով

TRT world

Ռուսաստանն ու Թուրքիան կնքեցին փոխադարձ առևտրում վճարումներն ազգային արժույթներով իրականացնելու մասին համաձայնագիր:

Ռուսական կողմից համաձայնագիրն ստորագրել Է առաջին փոխվարչապետ, ֆինանսների նախարար Անտոն Սիլուանովը, թուրքական կողմից՝ ֆինանսների նախարար Բերաթ Ալբայրաքը:

Կողմերի տարածած պաշտոնական հաղորդագրության մեջ նշվում է՝ համաձայնագրի ստորագրումը կարևոր քայլ Է Ռուսաստանի և Թուրքիայի միջև փոխշահավետ ու իրավահավասար առևտրատնտեսական համագործակցության հետագա ընդլայնման ու զարգացման համար:

ՌԴ և Թուրքայի միջև ապրանքաշրջանառությունը 2018 թ.-ին կազմել է ավելի քան 25 մլրդ դոլար (համեմատության համար նշենք, որ նախորդ տարվա ցուցանիշի նկատմամբ աճը կազմել է 18,32%): Թուրքիան ՌԴ-ի համար 8-րդ առևտրային գոծընկերն է, Ռուսաստանը Թուրքիայի 2-րդ խոշոր գործընկերն է՝ ԵՄ-ից հետո:

Իրականում Թուրքիայի կողմից Ռուսաստանի հետ ազգային արժույթներով առևտրի իրականացման առաջարկն ունի տարիների պատմություն:

Դեռևս 2016 թ.-ին Թուրքիայի նախագահ Ռեջեփ Թայիփ Էրդողանը կոչ արեց իր հանրությանը փոխել դոլարով պահուստները ոսկու և լիրայի: Էրդողանի այդ կոչը հաջորդեց լիրայի ռեկորդային անկմանը: Հենց այդ պահից սկսած թուրքական դիվանագիտության տարբեր խողովակներով պարբերաբար առաջարկություններ էին արվում ռուսական կողմին փոխադարձ առևտրաշրջանառությունն իրականացնել ազգային արժույթներով: Այդ ողջ ընթացքում թուրքական հակափաստարկների առանցքում ամերիկյան ճնշումների առկայությունն էր:

Այսօր թուրք-ամերիկյան լարվածության ֆոնին Ռուսաստանի հետ նմանատիպ պայմանագրի կնքումը կարող է ենթադրությունների տեղիք տալ, որ գործարքը զուտ տնտեսական բնույթի չէ:

Պետք է նշել, որ դոլարի համաշխարհային գնի վրա սա զգալի ազդեցություն չի թողնի, սակայն կարող է նախադեպ դառնալ, հատկապես հետխորհրդային երկրների և այն երկրների համար, որոնք Ռուսաստանի հետ ակտիվ համագործակցության մեջ են: Հասկանալի է, որ նմանատիպ մեխանիզմներին անցումը կողջունվի նաև ամերիկյան սանկցիաների ներքո գտնվող երկրների կողմից՝ Իրանի և Չինաստանի:

Իհարկե,  հաշվի առնելով միջազգային վճարային համակարգերի բարդ ու բազմաշերտ բնույթը, մոտ ապագայում նմանատիպ զարգացումների հավանականությունը ցածր է:

Իսկ ահա Ռուսաստանի ու Թուրքիայի համար այս համաձայնագրի օգտակարությունն ուղիղ համեմատական է այդ երկրների՝ մերթ ջերմացող, մերթ լարվող հարաբերություններին:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 27%
    Քամի՝ 0 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: