Եվրո-2021. Հայաստանի Մ-21 հավաքականը տարավ առաջին հաղթանակը

• 12.10.2019, 08:19
•  Հայաստան,  No-politics

Football Federation of Armenia

Ֆուտբոլի Հայաստանի մինչև 21 տարեկանների հավաքականը Եվրո-2021-ի ընտրական փուլի երրորդ տուրում 2:0 հաշվով հաղթեց Լյուքսեմբուրգի Մ-21 հավաքականին, տեղեկացնում է ՀԱՕԿ-ը:

Գյումրիի Քաղաքային մարզադաշտում կայացած խաղում դաշտի տերերից աչքի ընկան Ռուդիկ Մկրտչյանը (56-րդ րոպեին) և Արթուր Դանիելյանը (86-րդ րոպեին): 41-րդ րոպեից Լյուքսեմբուրգի Մ-21 հավաքականը հանդես էր գալիս 10 խաղացողներով, իսկ ավելացված ժամանակում նաև չկարողացավ անվրեպ իրացնել 11 մետրանոց հարվածը:

Հոկտեմբերի 14-ին Հայաստանի երիտասարդական հավաքականը Երևանում կընդունի իտալացիներին: Նախորդ 2 ընտրական խաղերում Անտոնիո Ֆլորեսի գլխավորած թիմը հյուրընկալվելիս պարտվել է Իռլանդիայի (0:1) և Իսլանդիայի (1:6) Մ-21 հավաքականներին։