Մարսելում անհայտ անձը կրակոցներ է արձակել բարում գտնվող մարդկանց վրա

• 01.11.2019, 10:07
•  Եվրոպա,  Աշխարհ

Apa

Ֆրանսիայի Մարսել քաղաքի բարում անհայտ անձը կրակոցներ է արձակել մարդկանց վրա, 6 մարդ տուժել է, փոխանցում է ՐԻԱ Նովոստին:

Փոխանցվող տեղեկություններով՝ միջադեպը տեղի է ունեցել Terminus բարում տեղական ժամանակով 20:30-ի սահմաններում: Տուժել է 6 մարդ, մեկը ծանր վիճակում է:

«Ֆրանս Պրես» գործակալությունը հայտնում է, որ հարձակվողը բարին է մոտեցել մոտոցիկլետով, կատարել մի քանի կրակոց եւ թաքնվել: Գործակալությունը նշում է, որ նա դեռեւս ազատության մեջ է:

Իրավապահների տեղեկություններով՝ հրաձիգն օգտագործել է պոմպային հրացան. դեպքի վայրում հայտնաբերվել են 12 տրամաչափի 7 պարկուճներ:

France Bleu ռադիոկայանի տեղեկություններով՝ մասնագետները չեն բացառում, որ դա «հաշիվների մաքրում» էր: Քննությունը կատարում է դատական ոստիկանությունը: Ռադիոն նշում է, որ այս նույն բարում 2017 թվականին Ծննդյան տոների նախաշեմին հրաձգության հետեւանքով մահացել էր 26-ամյա տղամարդ: