ԵՐԵՎԱՆ 1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 555,18 դրամ ԱՐԾԱԹ - 262,3 դրամ ՊԼԱՏԻՆ - 14 007,91 դրամ

Փաշինյանն Արցախի հարցում հերթական անգամ փորձում է խուսափել պատասխանատվությունից

Արցախի և Հայաստանի իշխանությունների մոտեցումներն արցախյան խնդրի խաղաղ կարգավորման հարցում նույնական են: Այս մասին նոյեմբերի 3-ին «Զրույց քաղաքացու հետ։ Շահարկումներ Ղարաբաղի հարցում» վերնագրված ֆեյսբուքյան ուղիղ եթերում հայտարարեց վարչապետ Նիկոլ Փաշինյանը: Հայտարարությունն, ինչ խոսք, խնդրահարույց է, և խնդրահարույց է մի քանի ուղղությամբ: Նախ, հայտարարելով, որ մեր մոտեցումներն ամբողջովին նույնական են, մենք նվազեցնում ենք մեր հնարավորությունները՝ պահանջելու, որ Արցախը վերադառնա բանակցային սեղան: Ի դեպ, նույն ուղիղ եթերի ընթացքում վարչապետը չհիշեց իր իսկ կողմից դեռ 2018-ի մայիսին ձևակերպված նպատակը՝ հասնել Արցախի լիարժեք վերադարձին բանակցային սեղանի շուրջ, չհիշեց նաև Արցախի սուբյեկտայնության և միջազգային ճանաչման կարևորության մասին: Սակայն սա միակ խնդիրը չէ:

«Արցախի հարցում Ստեփանակերտի և Երևանի մոտեցումները նույնական են» ձևակերպմամբ Փաշինյանը փորձում է իր միանձնյա որոշմամբ արված կամ արվելիք քայլերի պատասխանատվության մաս դարձնել Արցախի իշխանություններին: Եվ սա վարչապետի առաջին փորձը չէ խուսափելու պատասխանատվությունից: Այս նույն տրամաբանությունն է ընկած նաև բանակցային փաթեթը հանրաքվեի դնելու՝ վարչապետի հայտնի մտքի հիմքում:

Արդյունքում առաջանում է կամ, առնվազն, պիտի առաջանա մի շատ տրամաբանական հարց՝ իսկ այդ ինչպե՞ս են Արցախի ու Հայաստանի ներկայիս իշխանությունների մոտեցումներն արցախյան կարգավորման հարցում նույնական, և արդյոք Ստեփաակե՞րտն էլ է գտնում, որ խնդրի լուծումը պիտի բավարարի հակամարտության մեջ ներգրավված բոլոր երեք հասարակություններին: Նման ազդակներ Ստեփանակերտից, համենայն դեպս, դեռ չենք ստացել:  

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 70%
Քամի՝ 4 կմ/ժ
1 C°
 
-1°   
23.11.2019
-1°   
24.11.2019
Հարցում

Կո՞ղմ եք ՀՀ վարչապետի առաջարկած բանաձևին, ըստ որի՝ Ղարաբաղյան հակամարտության կարգավորման սցենարը պետք է ընդունելի լինի բոլոր երեք կողմերի համար։