Պոմպեոն միջազգային հանրությանը կոչ է արել մեծացնել Թեհրանի վրա ճնշումը

• 08.11.2019, 10:12
•  Ամերիկա,  Տարածաշրջան,  Մերձավոր Արևելք,  Աշխարհ

ԱՄՆ պետքարտուղար Մայքլ Պոմպեոն Իրանին մեղադրել է «միջուկային էսկալացիայի» մեջ՝ մյուս պետություններին կոչ անելով մեծացնել Թեհրանի վրա ճնշումը:

«Իրանի կողմից միջուկային գործունեության ընդլայնումը մտահոգություն է առաջացնում, քանի որ Իրանը հասկացնում է միջուկային արագ առաջխաղացման ներուժ ունենալու մասին»,- նշված է Պոմպեոյի հայտարարության մեջ: «Եկել է ժամանակը, որ բոլոր երկրները մերժեն այս ռեժիմի շորթումները և լուրջ քայլեր ձեռնարկեն ճնշման մեծացման համար: Իրանի շարունակական և բազմաթիվ սադրանքները այդպիսի գործողություններ են պահանջում»,- ասել է Պոմպեոն:

Ավելի վաղ հաղորդվել էր, որ Իրանը ուրանի հարստացում է սկսել Ֆորդո օբյեկտում: Իրանը նոյեմբերի 6-ին Ֆորդո միջուկային օբյեկտում սկսել էր գազ ներմղել ցենտրիֆուգեր, ինչը փաստացի նշանակում է միջուկային համաձայնագրի շրջանակում Թեհրանի պարտավորությունների կրճատման 4-րդ փուլի մեկնարկ: