ԵՐԵՎԱՆ 0 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 430,57 դրամ ԱՐԾԱԹ - 260,32 դրամ ՊԼԱՏԻՆ - 13 799,65 դրամ

«Վերնատուն» ակումբի առաջին համաժողով. հիմնական նպատակներն ու առաքելությունը

photolure

Այսօր Կարեն Դեմիրճյանի անվան մարզահամերգային համալիրում կայացավ «Վերնատուն» հասարակական–քաղաքական ակումբի կողմից կազմակերպված համաժողով, որին մասնակցում էին արտախորհրդարանական քաղաքական ուժերի, հասարական կազմակերպությունների, փորձագիտական շրջանակների ներկայացուցիչներ:

Համաժողովի բացման ժամանակ ակումբի նախաձեռնող, Հանրային խորհրդի արդեն նախկին նախագահ Վազգեն Մանուկյանը նշեց, որ ակումբը դեռ ձևավորման շրջանում է. «Մենք անցկացրել ենք մի քանի քննարկումներ կապված Արցախի հարցի, տնտեսության, անվտանգության խնդիրների հետ»,-ասաց նա՝ հավելելով, որ անդամության հարցը դեռևս բաց են թողել, որպեսզի մարդիկ ազատորեն կարողանան միանալ: Վազգեն Մանուկյանն ընդգծել է, որ «Վերնատուն» ակումբի հետագա գործունեությունը միտված է լինելու համախմբվելուն ոչ թե ինչ-որ անձի կամ քաղաքական ուժի շուրջը կամ դեմ, այլ համախմբվելուն որոշակի գաղափարական հենքի վրա:

Համաժողովի ժամանակ քննարկվեցին Լեռնային Ղարաբաղի հակամարտության կարգավորման բանակցային գործընթացը, հասարակությունում տիրող իրավիճակը, դատաիրավական համակարգում և մասնավորապես Սահմանադրական դատարանի շուրջ տեղի ունեցող զարգացումները:

Համաժողովի մասնակիցների կարծիքով` իշխանությունների չհաշվարկված քաղաքականության, հաճախ իրարամերժ հայտարարությունների արդյունքում բանակցային գործընթացն այսօր գտնվում է փակուղում:

Համաժողովի ժամանակ մտահոգություններ հնչեցին հասարակության պառակտվածության կապակցությամբ, ինչը լուրջ սպառնալիք է ստեղծում ազգային անվտանգության համար:

Ինչ վերաբերում է դատաիրավական համակարգին, ապա այս ոլորտում տիրող իրավիճակի կապակցությամբ հնչեցին տեսակետներ այն մասին, որ համակարգը և հատկապես Սահմանադրական դատարանը ենթարկվում են ճնշումների, ինչը հակասում է իրավական-ժողովրդավարական պետության սկզբունքներին:

Քննարկումների ժամանակ մասնակիցները ներկայացրեցին վերոնշյալ հարցերի վերաբերյալ իրենց մոտեցումները, իրենց կարծիքով այդ ուղղություններով վարվող քաղաքականությունից առաջացող մարտահրավերները, ինչպես նաև փորձեցին առաջարկել որոշակի գործողություններ, որոնք կնպաստեն այդ մարտահրավերների հաղթահարմանը:


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ 70%
Քամի՝ 3 կմ/ժ
0 C°
 
   
13.12.2019
   
14.12.2019
Հարցում

Արդյոք Հայաստանի իշխանությունները բավարար չափո՞վ են տեղեկացնում մեր հասարակությանը Ղարաբաղյան հակամարտության կարգավորման գործընթացի մասին: