Հայաստանն «Ահաբեկչության գլոբալ ինդեքսում» զբաղեցրել է 94-րդ հորիզոնականը

• 20.11.2019, 18:28
•  Աշխարհ,  Հայաստան

«Ահաբեկչության գլոբալ ինդեքս» (The Global Terrorism Index - GTI) անվանմամբ փորձագետների միջազգային խմբի՝ նոյեմբերին հրապարակած հետազոտության համաձայն՝ Հայաստանը զբաղեցրել է 94-րդ հորիզոնականը:

Ըստ փորձագետների՝ Հայաստանը, Ղազախստանը, Ռուսաստանը, Ուկրաինան և Ռուսաստանը զգալիորեն բարելավել են իրենց ցուցանիշները:

Եվրամիության անդամ երկրների շրջանում Մեծ Բրիտանիան ճանաչվել է ահաբեկչական հարձակումներին ռիսկին ավելի շատ հակված պետություն: Ըստ հետազոտության՝ Մեծ Բրիտանիան գտնվում է ահաբեկչական սպառնալիքի մակարդակով 28-րդ հորիզոնականում՝ առաջ անցնելով ԵՄ այլ երկրների՝ Ֆրանսիային, Գերմանիային, Բելգիային և Իսպանիային:

Ցուցակում ԱՄՆ-ը 22-րդ հորիզոնականում է, Թուրքիան՝ 16-րդ:

Ահաբեկչության տեսանկյունից աշխարհի ոչ անվտանգ երկրների թվում են Աֆղանստանը, Իրաքը, Նիգերիան և Սիրիան: