ԵՐԵՎԱՆ 3 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 430,57 դրամ ԱՐԾԱԹ - 260,32 դրամ ՊԼԱՏԻՆ - 13 799,65 դրամ

Ի՞նչ մեսիջներ է հղում ՀՀ ԱԳՆ հանրությանը Բրատիսլավայում սպասվող հանդիպումից առաջ

ՀՀ արտաքին գործերի նախարար Զորաբ Մնացականյանը Ադրբեջանի ԱԳ նախարար Մամեդյարովի հետ առաջիկայում սպասվող հանդիպմանը քննարկվող հարցերի մասին լրագրողի հարցադրման պատասխանել է՝ խոսելով մեկ միասնական փաթեթի մասին:

«Մենք մեկ միասնական փաթեթ ունեք, որում հարցի բուն կարգավորմանն առչվող շատ կարևոր հարցեր կան, և կան շատ կարևոր հարցեր, որոնք վերաբերում են միջավայրին, որում տեղի է ունենում խաղաղ կարգավորման գործընացը: Բոլորն իրենց ամբողջության մեջ շատ մեծ նշանակություն ունեն»,- մասնավորապես ասել է Մնացականյանը:

Ի սկզբանե նշենք, որ Զոհրաբ Մնացականյանի կողմից ասված մեկ միասնական փաթեթ արտահայտությունն ինքնին խնդրաhարույց է: Մեկ միասնական փաթեթ ո՞ւմ հետ: Եթե ԱԳ նախարարն ի նկատի ունի Հայաստանն ու Արցախը, ապա այսօր փաստացի կրկին օրակարգից դուրս է մղվում Արցախի՝ բանակցային սեղանին նստելու հարցը: Եթե բուն կարգավորմանն առչվող միասնական փաթեթը հայկական ու ադրբեջանական կողմին է վերաբերում, ապա մի կողմից ստացվում է, որ մենք նախ, այնուամենայնիվ, բանակցում ենք, որի շրջանակում ձեռք է բերվել մեկ միասնական փաթեթ, և երկրորդ, ունենք զարգացում, որի մասին հանրությանը տեղյակ է պահվում հարցուպատասխանի ընթացքում: Այս դեպքում, ո՞ւր կորավ կառավարության հռչակած հանրայնությունն ու թափանցիկությունը:

Մյուս կողմից, բավական հետաքրքիր է ԱԳ նախարարի միմյանց հաջորդող մի քանի հայտարարությունները, որոնք առնչվում են Ղարաբաղյան հակամարտության կարգավորմանը և որոնք արվում են Բրատիսլավայում սպասվող ԱԳ նախարարների հանդիպմանն ընդառաջ:

Հիշեցնենք, որ ընդամենն օրեր առաջ ԱԳ նախարարը ՀԱՊԿ կանոնադրական մարմինների համատեղ նիստին իր ելույթում նշեց ժողովուրդներին խաղաղության նախապատրաստելու պայմանավորվածությունների մասին: Փաստորեն, պայմանավորվածություններ կան: Այսօր արդեն հայտնի է դառնում, որ կա բուն կարգավորմանն առնչվող միասնական փաթեթ: Ինչո՞ւմն է խնդիրը, որ Բրատիսլավայի հանդիպմանը նախորդում է յուրօրինակ գաղտնազերծումների շղթա: Սպասվող հանդիպման օրակարգի կոնտեքստում առավել քան հետաքրքիր է, որ ինֆորմացիայի արտահոսքին զուգահեռ, ԱԳ նախարարը, կրկին ընդամենն օրեր առաջ, խոսելով Բաքվի համալսարանում ալիևյան ոչ կառուցողական, այդ թվում ՀՀ վարչապետի հասցեին արված ոչ կոռեկտ ձևակերպումներով ելույթի մասին, տալիս է Բաքվի հռետորաբանությանը ոչ ադեկվատ պատասխան:

Կրկին հիշեցնենք, որ այս ամենը ՀՀ և Ադրբեջանի ԱԳ ղեկավարների՝ դեկտեմբերի 4-ին կայանալիք հանդիպման նախաշեմին:


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 63%
Քամի՝ 5 կմ/ժ
4 C°
 
   
13.12.2019
   
14.12.2019
Հարցում

Արդյոք Հայաստանի իշխանությունները բավարար չափո՞վ են տեղեկացնում մեր հասարակությանը Ղարաբաղյան հակամարտության կարգավորման գործընթացի մասին: