ԵՐԵՎԱՆ 6 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Մոսկվան և Բաքուն ռազմատեխնիկական համագործակցությունը զարգացնում են միջազգային իրավունքի նորմերին համապատասխան. Լավրով

gazeta.ru

Մոսկվան և Բաքուն երկկողմ ռազմատեխնիկական համագործակցությունը զարգացնում են միջազգային իրավունքի նորմերին լիովին համապատասխան և այն բալանսի հաշվառմամբ, որն անհրաժեշտ Է տարածաշրջանի կայունությունը պահպանելու համար: Այս մասին, ինչպես հայտնում է «Արմենպրեսս»-ը` հղում կատարելով ՏԱՍՍ գործակալությանը, դեկտեմբերի 3-ին հայտարարել Է ՌԴ արտգործնախարար Սերգեյ Լավրովը՝ Բաքվում ելույթ ունենալով Ադրբեջանի իր պաշտոնակից Էլմար Մամեդյարկովի հետ համատեղ անցկացված մամուլի ասուլիսում:

Նրա խոսքով՝ ռազմատեխնիկական համագործակցությունը ռուս-ադրբեջանական ռազմավարական գործընկերության կարևոր ոլորտներից մեկն Է: «Մենք այդ համագործակցությունը զարգացնում ենք բացարձակապես թափանցիկ, միջազգային իրավունքի նորմերին լիովին համապատասխան և այն բալանսի լիակատար հաշվառմամբ, որը հաստատվել Է այդ տարածաշրջանում, և որը կարևոր Է այն բանի համար, որ այստեղ պահպանվի կայունությունը»,-ընդգծել է Ռուսաստանի նախարարը:

Լավրովը նաև հայտնել Է, որ ինովացիաների ու բարձր տեխնոլոգիաների գծով նոր աշխատանքային խումբ Է ստեղծվելու ռուս-ադրբեջանական միջկառավարական հանձնաժողովի շրջանակում, որը նիստ Է գումարելու առաջիկա օրերին:

«Բառացիորեն մեկ շաբաթ առաջ ավարտվեց Ադրբեջանի առաջին փոխնախագահ Մեհրիբան Ալիևայի այցը Ռուսաստան: Այդ այցի արդյունքներով՝ ձեռք բերվեցին շատ կարևոր պայմանավորվածություններ, որոնք վերաբերում են միջկառավարական հանձնաժողովի հովանու ներքո մեր գործակցության նոր ոլորտի բացմանը: Միջկառավարական հանձնաժողովի հովանու ներքո հինգ սեկտորալ աշխատանքային խմբերի կողքին կստեղծվի վեցերորդը՝ նվիրված ինովացիաներին ու բարձր տեխնոլոգիաներին»:

«Դա շատ կարևոր և մեր ռազմավարական գործընկերությունն ավելորդ անգամ բնութագրող պահ Է»,-հավելել Է Լավրովը:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Անձրև
    Խոնավություն՝ 87%
    Քամի՝ 2,57 կմ/ժ
    6 C°
     
    12°   
    20.03.2024
    14°   
    21.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: