ԵՐԵՎԱՆ 8 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Մնացականյան-Մամեդյարով հանդիպումից առաջ Բաքուն վերահաստատեց իր մոտեցումները. որո՞նք կլինեն հաջորդ քայլերը

Բրատիսլավայում ԵԱՀԿ 26֊րդ նախարարական խորհրդաժողովի շրջանակներում ԵԱՀԿ Մինսկի խմբի միջնորդությամբ և մասնակցությամբ տեղի ունենալիք ՀՀ և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հանդիպումից ժամեր առաջ ադրբեջանական կողմը ԵԱՀԿ֊ում փաստաթուղթ է տարածում՝ հակամարտության կարգավորման սեփական տեսլականը ներկայացնելով։

Հուշագրում տեղ գտած մոտեցումները նոր չեն, դրանց մասին պաշտոնական Բաքուն խոսել է կարգավորման ողջ ընթացքում, բայց հանդիպել հայկական կողմի պատասխան դիրքորոշմանն ու փաստարկված հակադրությանը։ Կունենա՞նք այս փաստաթղթին պատասխան հայկական կողմից այսօր։ Կանդրադառնա՞ դրան նախարար Մնացականյանը և ինչպե՞ս կանդրադառնա։ Պարզ կլինի արդեն ժամեր անց։ Բայց արժե ուշադրություն դարձնել նաև խնդրի երկրորդ՝ առավել մտահոգիչ կողմին։

ԵԱՀԿ-ում ադրբեջանական հուշագիրը տարածվեց ՌԴ ԱԳ նախարարի՝ Բաքու կատարած այցի հաջորդ օրը։ Եթե նման փաստաթղթի բովանդակությունը Լավրովի հետ համաձայնեցված էր, ապա ունենում ենք մի իրավիճակ, որը վկայում է արդեն ոչ միայն արցախյան հարցում մեր ոչ լիարժեք ու ոչ բավարար պատրաստվածության, այլև հայ-ռուսական հարաբերություններում առկա շատ խորքային խնդիրների մասին։

Իսկ եթե ԵԱՀԿ-ում այսօր տարածված փաստաթուղթը համանախագահող երկրներից և ոչ մեկի հետ համաձայնեցված չէ, ապա ՄԽ համանախագահությունը պիտի համապատասխան հայտարարությամբ անդրադառնա դրան՝ որպես սպասվող բանակցությունները վտանգի տակ դնելու փորձ։

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 76%
    Քամի՝ 0 կմ/ժ
    10 C°
     
    26°  16° 
    21.04.2024
    24°  14° 
    22.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: