Հայաստանի տնտեսական աճը ամենաբարձրն է եղել հետխորհրդային տարածքում. Նիկոլ Փաշինյան

• 06.12.2019, 13:17
•  ԵԱՏՄ,  Աշխարհ,  Հայաստան

2019 թվականի վերջին ինն ամիսներին Հայաստանի տնտեսական աճը կազմել է 7,5 տոկոս։ Այս մասին այսօր՝ դեկտեմբերի 6-ին, ՀՀ Ազգային ժողովի նիստում, 2020 թվականի բյուջեի նախագծի քննարկման ընթացքում,  ասաց Հայաստանի վարչապետ Նիկոլ Փաշինյանը։

Վարչապետի խոսքով՝ դա ամենաբարձր ցուցանիշն է տարածաշրջանի երկրների և անգամ ԵՏՄ անդամ երկրների շրջանում, և ընդհանրապես ամբողջ հետխորհրդային տարածքում։

«Արդյունաբերությունը գրանցել է 8,8 տոկոս աճ, ընդ որում՝ վերամշակող արդյունաբերության աճը կազմել է 9,3 տոկոս, շինարարական ոլորտում աճը կազմել է 4,5 տոկոս, սպասարկումների աճը՝ 15,1 տոկոս, ապրանքաշրջանառությունը՝ 8,9 տոկոս, արտահանումը՝ 7,2, աշխատավարձերի աճը՝ 5,9 տոկոս»,- նշել է Փաշինյանը։