ԵՐԵՎԱՆ 20 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ամենայն Հայոց Կաթողիկոսն ընդունել է Հայաստանում Ռումինիայի նորանշանակ դեսպանին

Դեկտեմբերի 10-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Հայաստանի Հանրապետությունում Ռումինիայի նորանշանակ արտակարգ և լիազոր դեսպան Կորնել Իոնեսկուին:

Իր օրհնությունն ու բարեմաղթանքերը բերելով նորանշանակ դեսպանին` Ամենայն Հայոց Հայրապետը գոհունակությամբ անդրադարձավ երկու երկրների ու ժողովուրդների ջերմ և սերտ հարաբերություններին, ինչը վկայված է նաև Ռումինիայում շուրջ հազար տարվա պատմություն ունեցող հայկական ժառանգության առկայությամբ:

Հայ-ռումինական հարաբերությունների սերտացման, խորացման և համագործակցության ընդլայնման գործում Նորին Սրբությունը կարևորեց Ռումինիայի հայ համայնքի դերակատարությունը: Վեհափառ Հայրապետը նաև խոսեց Ռումինիայի և ռումին ժողովրդի հանդեպ Մայր Աթոռ Սուրբ Էջմիածնի առանձնահատուկ ջերմության մասին, ինչը պայմանավորված էր երջանկահիշատակ Վազգեն Ա Ամենայն Հայոց Կաթողիկոսի անձով և գործունեությամբ:

Շնորհակալություն հայտնելով Ամենայն Հայոց Կաթողիկոսին օրհնության և բարեմաղթանքերի համար՝ պրն. Կորնել Իոնեսկուն հավաստիացրեց, որ իբրև դեսպան իր ջանքերը կներդնի հայ-ռումինական հարաբերությունների առավել ամրապնդման համար: Դեսպանը անդրադարձավ նաև Ռումինիայի հայ համայնքի և Ռումինիայի հայոց թեմի կյանքին` ընդգծելով տարբեր ժողովուրդների ազգային ինքնության և մշակութային ժառանգության պահպանմանն ի նպաստ Ռւոմինիայի իշխանությունների կողմից դրսևորվող հոգատարությունը:

Հանդիպման ավարտին Վեհափառ Հայրապետն իր եղբայրական ջերմ ողջույններն ու բարեմաղթանքները փոխանցեց Ռումին Ուղղափառ Եկեղեցու Դանիել Պատրիարքին` նորանշանակ դեսպանին մաղթելով, որ Աստված ուղեկից լինի վերջինիս իր առաքելության արդյունավորման համար:

 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 28%
    Քամի՝ 3,6 կմ/ժ
    20 C°
     
    25°  14° 
    24.04.2024
    28°  15° 
    25.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: