ԵՐԵՎԱՆ 16 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 965,67 դրամ ԱՐԾԱԹ - 264,44 դրամ ՊԼԱՏԻՆ - 12 988,57 դրամ

Բաքուն՝ խնդրի խաղաղ կարգավորման ջատագով. նոր իրավիճակ բանակցային սեղանին

Ադրբեջանի ԱԳ նախարար Էլմար Մամեդյարովն ադրբեջանական CBC հեռուստաընկերությանը տված հարցազրույցում նշել է, որ արցախյան խնդրի խաղաղ կարգավորման գործընթացն այլընտրանք չունի: Սա այն բանաձևն է, որ տարիներ շարունակ հայկական կողմը բարձրաձայնել է՝ ի պատասխան Բաքվի ռազմատենչ հայտարարություններին և հակամարտությունը ուժային տարբերակով լուծելու կոչերին: Սակայն արդեն մեկուկես տարի է կառուցողականության դիրքերից հանդես է գալիս ադրբեջանական կողմը՝ հմտորեն օգտվելով Հայաստանի նոր իշխանությունների բացթողումներից: Ի դեպ, դրանցից վերջինին ադրբեջանական կողմն արձագանքեց անմիջապես: Խոսքը Նիկոլ Փաշինյանի՝ բանակցություններին Ղարաբաղի այսպես կոչված ադրբեջանական համայնքի ներկայացուցիչների մասնակցությանը դեմ չլինելու մասին է: Մամեդյարովն իր հարցազրույցում զարմանք արտահայտեց, թե ինչու՞ հայկական կողմը թույլ չի տալիս «Ղարաբաղի հայկական համայնքին» կապեր հաստատել «ադրբեջանական համայնքի» հետ:

Բաքվի այս կեցվածքը վկայում է այն մասին, որ բանակցությունների ներկայիս փուլն ու ընթացքը, ընդհանուր առմամբ, պրոադրբեջանական մոդելի մեջ են: Չմոռանանք, որ Ադրբեջանը բանակցային ողջ գործընթացում ցանկացած իր համար անպատեհ, անցանկալի իրավիճակում «հիշեցնում էր» այն մասին, որ խնդրի լուծման իրենց տարբերակը ռազմականն է: Այսօր Բաքուն խոսում է բանակցություններին այլընտրանք չլինելու մասին, ինչը կարևոր ցուցիչ է՝ հասկանալու համար, թե ինչ իրավիճակ ունենք բանակցային սեղանին:

Ի դեպ, Մամեդյարովը նշեց նաև, որ հայկական կողմն է «տարբեր փաստաթղթեր» դնում սեղանին, որոնցից մեկն էլ, այսպես կոչված «Լավրովի պլանն» է: Այս վերջինի վերաբերյալ կսպասենք հայկական կողմի պաշտոնական արձագանքին, որը, հուսով ենք, կլինի հստակ ու չուշացած:   

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 53%
Քամի՝ 5 կմ/ժ
18 C°
 
13°  26° 
27.05.2020
16°  28° 
28.05.2020
Հարցում

Բավարա՞ր եք համարում Հայաստանում կորոնավիրուսի համաճարակի տարածման դեմ ձեռնարկվող միջոցները: