Հինգ երկրներից Հայաստանն է Ռուսաստանի պաշտոնական դաշնակիցը. Զատուլին

• 13.12.2019, 21:27
•  ԵԱՏՄ,  Աշխարհ,  Հայաստան

© РИА Новости / Илья Питалев

Հինգ երկրներից (Վրաստան, Ադրբեջան, Հարավային Օսիա, Աբխազիա) ավանդաբար Հայաստանն է Ռուսաստանի պաշտոնական դաշնակիցը, որը մասնակցում է մեր բոլոր ինտեգրացիոն նախագծերին։ Այս մասին դեկտեմբերի 13-ին լրագրողների հետ հանդիպմանը հայտարարել է ՌԴ Պետդումայի ԱՊՀ հարցերով, եվրասիական ինտեգրացիայի և հայրենակիցների հետ կապերի հանձնաժողովի նախագահ Կոնստանտին Զատուլինը, փոխանցում է News.am-ը: 

Նա նկատել է, որ դա կանխորոշում է երկկողմ հարաբերությունների ձևաչափը, որոնք կարող են, իհարկե, վայրէջքներ ու վերելքներ ապրել։ «Դրանք կարող են կապված լինել, օրինակ, այն անհրաժեշտության հետ, որ Ռուսաստանը ճանաչի Հայաստանում կատարվածը: Իշխանությունը երկրում այլ ձեռքերում է, ընդդիմությունն իշխանության է եկել»,- հավելել է նա։

Զատուլինը բավարարվածությամբ է նշել, որ Հայաստանում քաղաքական փոփոխություններից հետո երկու երկրների ղեկավարների միջև 6 հանդիպում է կայացել, զարգանում են տնտեսական հարաբերությունները, կան նաև քաղաքացիական հասարակության մեջ այդպիսի ամուր կապեր հաստատելու փորձեր։