ԵՐԵՎԱՆ 18 C°
ՀՀ ԿԲ -
  • USD - 407.95 դրամ +0,95 EUR - 426.35 դրամ +0,35 RUB - 7.46 դրամ +0,46 GBP - 491.82 դրամ +0,82
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ինչպես է Փաշինյանը «բարձրացրել» Արցախի սուբյեկտայնությունը

Հայաստանի և Արցախի անվտանգության խորհուրդների Երևանում կայացած նիստի ժամանակ վարչապետ Նիկոլ Փաշինյանն արել է մի շարք վիճահարույց պնդումներ: Մասնավորապես, Փաշինյանը հայտարարել է.  «Հայաստանում տեղի ունեցած փոփոխություններն էականորեն ավելացրել են Արցախի սուբյեկտայնությունը և ընդգծել Հայաստանի և Արցախի իշխանությունների հարաբերությունների իրավահավասար բնույթը»:

Վերջին մեկ տարվա ընթացքում վարչապետ Փաշինյանի մի շարք հայտարարություններ ուղղակիորեն հակասում են նրա կողմից արված այս պնդմանը:

Հիշեցնենք, այս տարի օգոստոսին, ելույթ ունենալով Ստեփանակերտի Վերածննդի հրապարակում, վարչապետը հայտարարեց. «Արցախը Հայաստան է և վերջ»՝ մոռանալով , որ Արցախի ժողովուրդը, օգտվելով իր ինքնորոշման իրավունքից, հռչակել է իր անկախությունը:

Իհարկե, կարելի կլիներ այս հայտարարությունը ներկայացնել որպես զգացմունքային, պահի տակ ստացված, սակայն  Հայաստանի իշխանությունները՝ մասնավորապես ԱԳ նախարար Զոհրաբ Մնացականյանը և վարչապետ Նիկոլ Փաշինյանը հետագայում խոսելով կարգավորման  հարցում մեր դիրքորոշման մասին, բացմիսց հղվել են Ստեփանակերտի հրապարակում արված այս հայտարարությանը:

Փաշինյանի հայտարարությունն այն մասին, որ Հայաստանի և Արցախի իշխանությունների դիրքորոշումը Ղարաբաղյան կարգավորման հարցում 100 տոկոսով նույնական են, ևս որևէ կերպ չի բարձրացնում Արցախի սուբեյկտայնությունը, ավելին, հարվածում է Արցախի, որպես հավասար կողմի բանակցային գործընթացում ներգրավվելու ընկալումների ամրապնդմանը միջազգային հանրության մոտ:

Ի դեպ, այս մասին ևս Փաշինյանը խոսել է իր ելույթում՝ ընդգծելով, որ Արցախի՝ որպես հակամարտության հիմնական կողմի ներգրավվածության ավելացման անհրաժեշտության ընկալումն էականորեն ամրապնդվել է վերջին ամիսներին: Սակայն, ինչպես հետևում է միջնորդ երկրների հայտարարություններից, ամրապնդվել է բանակցային գործընթացին միջհամայնքային տրամաբանություն հաղորդելու ադրբեջանական մոտեցումը: Իհարկե այդ դեպքում կարող է ավելանալ Արցախի ներգրավվածության աստիճանը բանակցային գործընթացում, սակայն այդ համատեքստում ներգրավվածությունը որևէ կերպ չի բխում հայկական կողմերի շահերից և փոխում է հակամարտության էությունը:

Այսպիսով, ստացվում է, որ Փաշինյանի հայտարարությունն Արցախի սուբեյկտայնության բարձրացման մասին իրականությունը չի համապատասխանում: Ընդ որում, սա ակնհայտ է ոչ միայն վարչապետի այս տարվա ընթացքում արած հայտարարություններից, այլև ՀՀ իշխանությունների գործողություններից կամ ավելի ճիշտ անգործությունից: Հիշեցնենք, որ այս տարի ֆրանսիական  մի շարք քաղաքներ մեկը մյուսի հետևից չեղարկել են Արցախի տեղական ինքնակառավարման մարմինների հետ համագործակցության հուշագիրը, ինչը ՀՀ իշխանությունների կողմից առնվազն տեսանելի պատշաճ արձագանքի չի արժանացել:


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 42%
Քամի՝ 2,06 կմ/ժ
17 C°
 
28°  16° 
04.07.2022
30°  17° 
05.07.2022
Հարցում

Կկարողանա՞ն արդյոք Ռուսաստանն ու Ուկրաինան մոտ ապագայում ճանապարհ հարթել դեպի խաղաղություն: