ԵՐԵՎԱՆ 22 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 845,76 դրամ ԱՐԾԱԹ - 273,16 դրամ ՊԼԱՏԻՆ - 12 811,8 դրամ

Երևանը լեգիտիմացնում է Արցախի ընտրություններին հնարավոր միջամտությունները

Երեկ՝ դեկտեմբերի 23-ին, Հայաստանի Հանրապետության վարչապետ Նիկոլ Փաշինյանի և Արցախի Հանրապետության նախագահ Բակո Սահակյանի համանախագահությամբ Երևանում տեղի ունեցավ Հայաստանի և Արցախի Անվտանգության խորհուրդների համատեղ նիստ։ «Հայաստանը կշարունակի հանդես գալ որպես Արցախի համապարփակ անվտանգության երաշխավոր»,- իր ելույթում նշեց վարչապետ Փաշինյանը՝ հավելելով, որ ՀՀ այս դերակատարումը ենթադրելու է սերտ համագործակցություն ընտրությունների արդյունքում ձևավորվելիք Արցախի նոր իշխանությունների հետ:

Այն, որ Հայաստանն Արցախի անվտանգության երաշխավորն է, նոր չէ։ Այդ մասին ասվել է միշտ՝ հստակ ամրագրելով, որ ադրբեջանական ագրեսիայի դիմաց արցախահայությունը մենակ չէ։ Բայց փաշինյանական մոտեցումը վերաձևակերպումներ է մտցրել անգամ այս թեզի մեջ։ Փաստորեն, այսուհետ ՀՀ-ն Արցախի անվտանգության «համապարփակ» երաշխավորն է, ինչից առավել քան տրամաբանական հարց է առաջանում՝ իսկ ի՞նչ է իրենից ներկայացնում «համապարփակ» երաշխավորի դերը։ Առավել ևս, որ վարչապետն իր այս ձևակերպումն անում է Արցախում սպասվող ընտրությունների համատեքստում։

Այն, որ Արցախում սպասվող ընտրությունները և դրանց արդյունքները Երևանի համար չափազանց կարևոր են, Փաշինյանի կառավարությունը մեկ անգամ չէ, որ բարձրաձայնել է։ Եվ Արցախի անվտանգության «համապարփակ» երաշխավոր հռչակվելով՝ ՀՀ-ն, ըստ էության, հիմքեր է ստեղծում սպասվող ընտրություններին իր հնարավոր միջամտությունների համար, առավել ևս, որ այդ մասին նախկինում ևս ակնարկել է։ Հիշենք, դեռ օգոստոսի 5-ին Արցախում՝ Ստեփանակերտի Վերածննդի հրապարակում, վարչապետ Փաշինյանի ելույթի այն հատվածը, ըստ որի՝ «Հայաստանի Հանրապետությունը պետք է հանդես գա և հանդես կգա որպես Արցախի ժողովրդի ազատ կամարտահայտման և այդ կամարտահայտման միջոցով լեգիտիմ իշխանության ձևավորման երաշխավոր»։ Արցախի «ընտրությունների երաշխավոր» ձևակերպումը երեկվա վարչապետի ելույթում նոր փաթեթավորմամբ ներկայացվեց՝ որպես «Արցախի անվտանգության «համապարփակ» երաշխավոր»։ Երկուսի պարագայում էլ բովանդակությունը նույնն է և խիստ վտանգավոր։ Պաշտոնական Երևանի նման մոտեցումն առաջին հերթին հարված է Արցախի սուբյեկտայնությանը՝ դրանից բխող բոլոր ռիսկերով ու մարտահրավերներով։

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 46%
Քամի՝ 9 կմ/ժ
22 C°
 
17°  27° 
03.06.2020
15°  28° 
04.06.2020
Հարցում

Բավարարվա՞ծ եք ՄԻԵԴ որոշումով՝ կապված Գուրգեն Մարգարյանին սպանողին հերոսացնելու գործի հետ: