ԵՐԵՎԱՆ -8 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 23 885,35 դրամ ԱՐԾԱԹ - 276,91 դրամ ՊԼԱՏԻՆ - 15 304,61 դրամ

The Hill. Իրանի հայկական եկեղեցին հայտնվել է այն կառույցների ցանկում, որոնք Թրամփն սպառնացել էր թիրախավորել

Ամերիկյան The Hill պարբերականը հոդված է հրապարակել «Իրանի հինգ ամենանշանակալի մշակութային կառույցները, որոնք կարող են հայտնվել Թրամփի թիրախում» վերնագրով: Խոսքը Թրամփի նշած կառույցների մասին է, որոնց ուղղությամբ վերջինս սպառնացել էր հարվածներ հասցնել իրանցի գեներալ Ղասեմ Սոլեյմանի սպանությունից հետո Իրանի և ԱՄՆ-ի միջև լարվածության բարձրացման դեպքում:

Չնայած Թրամփի վարչակազմի պաշտոնյաները նշում էին, որ ԱՄՆ-ն գործելու է օրենքի սահմաններում, ԱՄՆ նախագահը մի քանի անգամ սպառնալիքներ է հնչեցրել Իրանի և իրանական մշակույթի համար կարևոր կառույցների ուղղությամբ հարվածներ հասցնելու վերաբերյալ:

Աղբյուրի փոխանցմամբ՝  այդ կառույցների շարքում է Իրանում Հայ Առաքելական եկեղեցու գլխավոր տաճարը՝ Սպահանի Սուրբ Քրիստոս Ամենափրկիչ եկեղեցին:

Նշենք, որ եկեղեցին կառուցվել է 1655 թվականին: ՅՈւՆԵՍԿՕ-ի տվյալներով, այդ եկեղեցին տարածաշրջանում հայկական մշակույթի միակ նշանակալի վկայությունն է:

Ներկայացված հնգյակում տեղ են գտել նաև Իմամի հրապարակը Սպահանում, Պերսեպոլիսը, Աքեմենյան Պարսկաստանի առաջին մայրաքաղաք հանդիսացող Պասագրադ քաղաքը և Թավրիզի տոնավաճառը:


Եղանակ
Երևան
Պարզ երկինք
Խոնավություն՝ 46%
Քամի՝ 5 կմ/ժ
-8 C°
 
-6°   
26.01.2020
-4°   
27.01.2020
Հարցում

Իրան-ԱՄՆ դիմակայության ուժեղացումը կանդրադառնա՞ Հայաստանի վրա: