ԵՐԵՎԱՆ 25 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Իրավիճակի լիցքաթափումը հնարավոր է միայն տարածաշրջանից ԱՄՆ հեռանալուց հետո. Իրանի պաշտպանության նախարար

Իրավիճակի լիցքաթափումը հնարավոր է միայն տարածաշրջանից ԱՄՆ հեռանալուց հետո։ Այս մասին ասել է Իրանի պաշտպանության նախարար Ամիր Խաթամին ճապոնացի գործընկերոջ՝ Տարո Կյոնոյի հետ հեռախոսազրույցում, տեղեկացնում է Mehr-ը։

Խաթամին իրանցի բարձրաստիճան զինվորական, գեներալ Ղասեմ Սոլեյմանիի սպանությունը երրորդ երկրի տարածքում անվանել է աննախադեպ հանցագործություն՝ ավելացնելով, որ «համաձայն ՄԱԿ Անվտանգության խորհրդի բանաձևի՝ ԱՄՆ գործողությունները պետական ահաբեկչության օրինակ են»։

Նա ամերիկացիների ներկայությունը անվանել է տարածաշրջանում լարվածության և անկայունության գլխավոր պատճառ։ «Տարածաշրջանում լիցքաթափման և անվտանգության ու կայունության ապահովման համար մենք պետք է որքան հնարավոր է շուտ վերջ դնենք ԱՄՆ օկուպացիային և միջամտությանը»,- նշել է նա։

Խաթամին նաև կոչ է արել անկախ և ազատ պետություններին դատապարտել ԱՄՆ կառավարության ահաբեկչական գործողությունը։

Ճապոնիայի պաշտպանության նախարարն, իր կողմից, հայտարարել է, որ իր երկիրը պատրաստ է ջանքեր գործադրել տարածաշրջանում լիցքաթափման, խաղաղության և կայունության համար։ 

In English На русском

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 25%
    Քամի՝ 0,51 կմ/ժ
    25 C°
     
    26°  16° 
    21.04.2024
    25°  14° 
    22.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: