ԵՐԵՎԱՆ 2 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 24 899,1 դրամ ԱՐԾԱԹ - 282,75 դրամ ՊԼԱՏԻՆ - 15 164 դրամ

Նման բան տեղի չէր ունեցել Տիգրան Մեծից հետո. Միխայիլ Սահակաշվիլին պատասխանել է Նիկոլ Փաշինյանին

AP

Վրաստանի նախկին նախագահ Միխայիլ Սահակաշվիլին ֆեյսբուքյան ուղիղ եթերում անդրադարձել է ՀՀ վարչապետ Նիկոլ Փաշինյանի այն հայտարարությանը, ըստ որի՝ 2019թ. տվյալներով մեկ շնչին բաժին ընկնող ՀՆԱ-ով Հայաստանն առաջ է անցել Վրաստանից, փոխանցում է News.am-ը

«Նիկոլ Փաշինյանը հայտարարեց, որ մեկ շնչին բաժին ընկնող ՀՆԱ-ով Հայաստանն առաջին անգամ առաջ է անցել Վրաստանից: Նման բան տեղի չէր ունեցել ո՛չ իմ, ո՛չ էլ նույնիսկ Շևարդնաձեի կառավարման տարիներին, նման բան տեղի չէր ունեցել Տիգրան Մեծից հետո։  Չկա որևէ հիմք՝ ոչ աշխարհագրական, ոչ էլ ռեսուրսների առումով, թե ինչու պետք է Հայաստանի բնակիչն ավելի շատ եկամուտ ունենա, քան Վրաստանի: Սակայն այս «հնարքը» Վրաստանում իրականացրեց Իվանիշվիլին»,- ասել է Սահակաշվիլին։

Սահակաշվիլին համեմատել է իր և Շևարդնաձեի կառավարման տարիների ՀՆԱ-ի ցուցանիշերը՝ նշելով, որ Շևարդնաձեի ժամանակ ՀՆԱ-ն Վրաստանում մեկ շնչի հաշվով կազմում էր 1000 դոլար, իսկ իր ղեկավարման տարիներին այն քառապատկվեց՝ հասնելով 4000-ի: Նրա խոսքով, եթե 2012-ին Վրաստանի «աղետը» չլիներ, իր կառավարությունը չէր հեռանա, Վրաստանն այժմ կլիներ Հունաստանի կամ Խորվաթիայի մակարդակին:

«Այսօր, երբ օտարերկրացուն հարցնում են՝ Վրաստանը ինչ պետություն է, ասում են՝ Վրաստանը մի պետություն է, որը Հայաստանից աղքատ է, և ձմեռային հանգստավայրերում չկա ջուր: Իվանիշվիլին կարողացավ այնպես անել, որ Վրաստանը բոլոր չափանիշներով դարձավ ավելի խղճուկ, քան մեր հարևանը: Այս ամենը պետք է շուտ ավարտվի, Վրաստանին պետք է առաջընթաց և զարգացում»,- հայտարարել է Վրաստանի նախկին նախագահ Միխայիլ Սահակաշվիլին:


Եղանակ
Երևան
Պարզ երկինք
Խոնավություն՝ 46%
Քամի՝ 5 կմ/ժ
2 C°
 
-1°   
27.02.2020
  10° 
28.02.2020
Հարցում

Համաձա՞յն եք, որ Հայաստանում սահմանադրական փոփոխություններ տեղի ունենան: