Ինչո՞ւ են արքայազն Հարրին և Մեգան Մարքլը որոշել հրաժարվել թագավորական ընտանիքի անդամի կարգավիճակից
Մեծ Բրիտանիայի թագուհի Եղիսաբեթ երկրորդի թոռը՝ Սասսեքսի դուքս, արքայազն Հարրին, և նրա կինը՝ Սասեսեքի դքսուհի Մեգան Մարքլը, որոշել են հրաժարվել արքայական ընտանիքի բարձրաստիճան անդամների կարգավիճակով ստանձնած պարտավորություններից և դառնալ ֆինանսապես անկախ: Այս մասին զույգը հայտնել է «Ինստագրամ»-ի էջում:
Զույգը որոշել է, որ այսուհետ ժամանակի մի մասը կանցկացնի Միացյալ Թագավորությունում, մի մասն էլ կամ Ամերիկայի Միացյալ Նահանգներում կամ Կանադայում՝ միևնույն ժամանակ շարունակելով «լիակատար աջակցություն» ցուցաբերել Եղիսաբեթ Երկրորդ թագուհուն: «Նման աշխարհագրական հավասարակշռությունը թույլ կտա մեր որդուն թագավորական ընտանիքի ավանդույթների նկատմամբ երախտագիտությամբ դաստիարակենք, ինչպես նաև մեզ հնարավորություն կտա կենտրոնանալ նոր բարեգործական կազմակերպության ստեղծման վրա», - ասվում է հայտարարության մեջ:
Որոշումը, ըստ Հարրիի և Մեգանի, կայացվել է ամիսներ շարունակ տևած քննարկումներից հետո: Հետաքրքրականն այն է, որ այդ մասին զույգը նախապես չի զգուզացրել ո՛չ թագուհուն, ո՛չ էլ Ուելսի արքայազն Չարլզին: Ինչպես հայտնում են բրիտանական պարբերականները, այդ մասին թագավորական ընտանիքն իմացել է լրատվամիջոցներից, ինչն էլ բավականին վրդովեցրել է ընտանիքի անդամներին: Մասնավորապես The Times պարբերականի փոխանցմամբ, թագուհին ծայրաստիճան հիասթափվել է զույգից այսպիսի որոշում կայացնելու համար: Իսկ The Sun-ը հայտնում է, որ արքայական ընտանիքի անդամների կարծիքով զույգն այս քայլով կարծես թե պատերազմ է հայտարարում ողջ թագավորական ընտանիքին:
Այնուամենայնիվ, որքան էլ որ տարբեր լուրեր շրջանառվեն, փաստն այն է, որ Մեծ Բրիտանիայի թագուհին արդեն իսկ պաշտոնապես հայտարարել է, որ աջակցում է Հարրիի և Մեգանի՝ նոր կյանք սկսելու ցանկությանը: Թագուհին հունվարի 13-ին Սանդրինգհեմյան պալատում հավաքել է թագավորական ընտանիքի բարձրաստիճան անդամներին՝ քննարկելու զույգի ապագա դերը: «Չնայած մենք կգերադասեինք, որ նրանք մնային թագավորական ընտանիքի լիարժեք անդամներ՝ մենք հարգում և հասկանում ենք նրանց ցանկությունն ապրելու ավելի անկախ կյանքով և մնալու մեր ընտանիքի կարևոր մասը»,- ասված է հայտարարության մեջ: Թագուհու խոսքով՝ հանդիպմանը համաձայնություն է ձեռք բերվել սահմանել անցումային շրջան, որի ընթացքում Սասեքսի դուքսը և դքսուհին ժամանակի մի մասը կանցկացնեն Կանադայում, իսկ մյուս մասը՝ Բրիտանիայում: Թե որքան կտևի այդ շրջանը, հայտնի չէ:
Թագուհու խոսքով՝ իր ընտանիքը պետք է լուծի բարդ հարցեր, առջևում դեռ շատ աշխատանք կա և վերջնական որոշումները կընդունվեն մոտակա օրերի ընթացքում:
Արքայական ընտանիքի անդամները դեռ պետք է քննարկեն Հարրիի և Մեգանի՝ պարտականությունները կատարելուց հրաժարվելու հետևանքները, հատկապես, թե ինչ ֆինանսական միջոցներ են ստանալու պալատից, ինչ տիտղոս են կրելու և ինչ առևտրային պայմանագրեր են նրանց թույլատրվելու կնքել:
Նշենք, որ թագավորական ընտանիքի ավագ անդամների ՝ թագուհու, նրա երեխաների, արքայազների և նրանց կանանց պաշտոնական ծախսերը հոգում են, այսպես կոչված, «ինքնավար դրամաշնորհով», որը հատկացնում է կառավարությունը՝ թագուհու ֆինանսական միջոցներից և հարկերից: Թե որքան գումար կտրամադրվի թագավորական ընտանիքի կողմից այս պարագայում այդքան էլ կարևոր չէ, քանի որ ամեն դեպքում, Հարրին և Մեգանը խնդիրներ չեն ունենա ապրուստի միջոցների հետ կապված: Ըստ ԶԼՄ-ների տեղեկությունների՝ դքսուհին արդեն իսկ մուլտֆիլմերի հնչյունավորման համար պայմանագիր է կնքել Walt Disney Company-ի հետ:
Հարկ է նշել, որ թագավորական պալատի անդամի պաշտոնական կարգավիճակից հրաժարվելու որոշում իր երեխաների համար կայացրել է նաև Եղիսաբեթ Երկրորդի դուստրը` արքայադուստր Աննան: Ինչպես հայտնի է, նրա ընտանիքի ոչ մի անդամ չունի ոչ տիտղոս, ոչ պետական ֆինանսավորում, ոչ էլ պաշտոնական պարտավորություններ թագավորական ընտանիքի նկատմամբ: Թագուհու ավագ թոռնուհին՝ Աննայի դուստր Զառա Ֆիլիպսը դարձել է հայտնի ձիավարուհի և նույնիսկ Օլիմպիական խաղերի արծաթե մեդալակիր: Իհարկե, նրա՝ արքայազն հանդիսացող զարմիկներից ոչ մեկը չի կարող ունենալ նման ազատություն: Թագավորական ընտանիքի անդամները պետք է խստորեն հետևեն բոլոր արարողակարգերին:
Ուստիև հենց այս հանգամանքներում են թաքնված նաև Հարրիի և Մեգանի որոշման պատճառները: Առաջին և գլխավոր պատճառը թերևս այն է, որ զույգը հոգնել է թագավորական պարտականություններից և դրանք չկատարելու հետևանքով ԶԼՄ-ների ուշադրության կենտրոնում հայտնվելուց: Արքայազն Հարրիի և ամերիկացի դերասանուհի Մեգան Մարքլի ամուսնությունից ի վեր նրա անունը չի լքում տաբլոիդների առաջին էջերը։ Աֆրոամերիկյան արմատներ ունեցող հարսնացուն, ով դարձավ Վինձորյան դինաստիայի ներկայացուցիչ, միանգամից հայտնվեց բրիտանացիների քննադատության թիրախում: Ընդամենը մեկ տարվա ընթացքում Մարքլը դարձավ Միացյալ Թագավորության ամենաքննարկվող դեմքերից մեկը: ԶԼՄ-ները գաղտնիքներ էին հրապարակում նրա հարազատների մասին, ծաղրում նրա արտաքին տեսքը, զարդերը, քննարկում նրա՝ արտասահման կատարած ուղևորությունները և նշում, որ նրա գործողությունները չեն համապատասխանում թագավորական ընտանիքի ավանդույթներին: Լրատվամիջոցները նույնիսկ գաղտնալսել էին Մեգանի ձայնային հաղորդագրությունները, որի պատճառով արքայազն Հարրին դատի էր տվել Тhe Sun և Daily Mirror կայքերին՝ նրանց մեղադրելով կնոջ կյանքը թունավորելու մեջ:
Քննադատությունների ավելի մեծ ալիք բարձրացավ նաև նրանից հետո, երբ արքայազն Հարրին և Մեգան Մարքլը որոշեցին Ծննդյան տոները նշել թագուհուց առանձին և խախտելով ավանդույթը հեռացան Բրիտանիայից: Նրանց որդու՝ Արչիի ծնունդը նույնպես ուղեկցվեց թագավորական ընտանիքի գրեթե կեսդարյա ավանդույթի խախտմամբ. դքսուհին չցանկացավ ծննդաբերել Սուրբ Մարիամի հիվանդանոցում, որտեղ ծնվել են արքայադուստր Դիանայի և Քեյթ Միդլթոնի երեխաները: Այս փաստը նույնպես հայտնվեց բրիտանացիների քննադատության թիրախում…
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 43%
Քամի՝ 1,03 կմ/ժ