ԵՐԵՎԱՆ 6 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Կստեղծվի աշխատանքային խումբ Հանրապետության հրապարակի պատմական շերտը բացելու համար

www.shantnews.am

Կամքը կա, գաղափարը կա. Երևանի Հանրապետության հրապարակի պատմական շերտը պետք է բացվի:

«Արմենպրես»-ի մամուլի սրահում հրավիրված ասուլիսում նման կարծիք հայտնեց ՀՀ ԳԱԱ Հնագիտության և ազգագրության ինստիտուտի տնօրեն Պավել Ավետիսյանը՝ անդրադառնալով այն դիտարկումներին, թե այնտեղ արժեքավոր բան չկա:

«Ես այդ դիտարկումները չեմ հասկանում: Այնտեղ պահպանվածը մեր պատմությունն է, և այն պահպանելու, ներկայացնելու, հանրայնացնելու, սերունդներին փոխանցելու տեսանկյունից բացելը շատ կարևոր է: Գաղափարը կա, կամքը կա, ինչո՞ւ դա չանել»,- ասաց Պավել Ավետիսյանը: Այլ հարց է, թե ինչպես պետք է դա անել: Պավել Ավետիսյանը նշեց, որ մեր ունեցած Հանրապետության հրապարակն իր ներկայիս ձևով ու տեսքով շատ կարևոր մշակութային, ճարտարապետական արժեք է: Եթե ինչ-որ աշխատանքներ են նախատեսվում, ապա դրանք պետք է արվեն այնպես, որ հրապարակի տեսքը որևէ ձևով չխաթարվի:

«Դա նշանակում է, որ մենք պետք է գտնենք ձևեր բացելու այն ամենը, ինչը պատմական արժեք ունի, սակայն դա չպետք է խաթարի հրապարակի տեսքը: Դրանից բացի, աշխատանքներն այնպես պետք է կազմակերպել, որ հրապարակի խոշոր տրանսպորտային հանգույցը շարունակի գործել»,- ասաց Պավել Ավետիսյանը:

Նա նշեց, որ գործ ունենք 1830-ական թվականներից հետո ձևավորված Երևանի քաղաքային հրապարակի հետ: Այդտեղ պահպանվել են այդ ժամանակվա շենքերի նկուղային հատվածները:

«Ինձ համար շատ կարևոր է, որ այսպիսի նախաձեռնությունը նախադեպ լինի: Երևանն այսօր ունի դեռևս պահպանված իր պատմության տարբեր ժամանակների մասին վկայող մի շարք տարածքներ՝ դա կլինեն Կարմիր բլուրի քաղաքային թաղամասերը, Դալման, Կոնդը, Հանրապետության հրապարակը և այլն: Պետք է հայեցակարգ մշակել, որ պատմամշակութային ողջ ժառանգությունը հարմարեցվի այսօրվա Երևանին և ամենօրյա կյանքի մաս դառնա»,-հավելեց Պավել Ավետիսյանը:

Նա տեղեկացրեց, որ ՀՀ կրթության, գիտության, մշակույթի և սպորտի նախարարի հանձնարարականը կա, որպեսզի ձևավորվի աշխատանքային խումբ Հանրապետության հրապարակի պատմական շերտը բացելու հարցի հետ կապված: Աշխատանքային խմբում պետք է ընդգրկված լինեն այդ հարցով զբաղվող հնարավոր բոլոր մասնագետները, քաղաքացիական հասարակության ներկայացուցիչներ, մշակութաբաններ: 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 53%
    Քամի՝ 0,51 կմ/ժ
    6 C°
     
    21°  10° 
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: