ԵՐԵՎԱՆ 22 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 28,357.07 դրամ ԱՐԾԱԹ - 294.74 դրամ ՊԼԱՏԻՆ - 13,395.31 դրամ

Ղարաբաղյան հակամարտության կարգավորման բովանդակային հարցերի շուրջ առաջ շարժվել առայժմ չի հաջողվել. ՌԴ ԱԳՆ

© РИА Новости / Максим Блинов/

ՌԴ արտգործնախարարությունը հայտնել է Ղարաբաղյան հակամարտության կարգավորման ուղղությամբ որոշակի տեղաշարժերի առկայության մասին: Ինչպես տեղեկացնում է ՏԱՍՍ-ը, այդ մասին նշվում է ԶԼՄ-ների հարցերին ՌԴ ԱԳՆ-ի կայքում տեղադրված պատասխաններում, որոնք նախապատրաստվել էին, բայց չեն հնչել ՌԴ արտաքին գործերի նախարարի պաշտոնակատար Սերգեյ Լավրովի՝ 2019 թվականին ռուսական դիվանագիտության գործունեության արդյունքներն ամփոփող մամուլի ասուլիսում:

«Տեղաշարժեր կան «փոքր քայլերի» իրականացման մեջ, որոնց շուրջ արտաքին գործերի նախարարները պայմանավորվել էին 2019 թվականի ապրիլին ի զարգացումն Ադրբեջանի նախագահի և Հայաստանի վարչապետի՝ 2019 թվականի մարտին Վիեննայում ձեռք բերված պայմանավորվածությունների: Սահմանում և շփման գծում իրադրությունը հարաբերականորեն հանգիստ է:

Կապի թեժ գիծ է գործում Երևանի և Բաքվի միջև: Վերադարձվել են գերության մեջ հայտնված Զավեն Կարապետյանը և էլվին Իբրահիմովը: Աշխատանքներ են իրականացվում մյուս բանտարկյալների համար: ԿԽՄԿ-ն նույնպես ներգրավված է այդ հարցում: Կարծում ենք, որ այս ամենը վկայում է բնակչությանը խաղաղության նախապատրաստելուն ուղղված կոնկրետ քայլեր ձեռնարկելու կողմերի մտադրության մասին:

Սակայն կարգավորման բովանդակային հարցերի շուրջ առաջ շարժվել առայժմ չի հաջողվել: Այս թեման քննարկվել է Ս. Լավրովի վերջերս Երևան և Բաքու կատարած այցերի ժամանակ: Հուսով ենք, որ տեսանելի ապագայում կողմերի միջև կվերսկսվի առարկայական խոսակցությունը: Մեր կողմից մենք Մինսկի խմբի ֆրանսիացի և ամերիկացի համանախագահների հետ միասին կտրամադրենք անհրաժեշտ օգնություն»,- նշված է ՌԴ ԱԳՆ կողմից տեղադրված պատասխաններում: 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Անձրև
Խոնավություն՝ 61%
Քամի՝ 3 կմ/ժ
22 C°
 
20°  28° 
13.07.2020
18°  29° 
14.07.2020
Հարցում

Համարո՞ւմ եք արդյոք Գագիկ Ծառուկյանի դեմ իրականացվող գործողությունները քաղաքական հետապնդում: