ԵՐԵՎԱՆ 28 C°
ՀՀ ԿԲ -
  • USD - 407.52 դրամ +0,52 EUR - 425.9 դրամ +0,9 RUB - 7.41 դրամ +0,41 GBP - 494.73 դրամ +0,73
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ԱԷՄԳ-ն Իրանի կողմից միջուկային գործարքի նոր խախտումներ չի գրանցել

Investing.com

Ատոմային էներգիայի միջազգային գործակալությունը (ԱԷՄԳ) Իրանի կողմից Գործողությունների համատեղ համապարփակ ծրագրի նոր խախտումներ չի գրանցել այն պահից սկսած, երբ Թեհրանը հայտարարել է այդ համաձայնագրից շեղվելու 5-րդ փուլի մասին: Այս մասին հայտարարել է ԱԷՄԳ-ի գլխավոր տնօրեն Ռաֆայել Գրոսին՝ ելույթ ունենալով Վաշինգտոնում Քարնեգի հիմնադրամում, փոխանցում է ՏԱՍՍ-ը:

«Հինգերորդ քայլից հետո հետագա ոչ մի գործողություն չի եղել»,- ասել է նա: «Իհարկե, նրանք հարստացումը շարունակում են»,- խոստովանել է Գրոսին:

«Ես շարունակում եմ հետևել Իրանում տեղի ունեցողին»,- նշել է ԱԷՄԳ-ի տնօրենը: «Իհարկե, մենք մեր տեսչական ստուգումները մեխանիկորեն չենք կատարում, լսում ենք, թե ինչի մասին են խոսում, և պատրաստվում ենք ցանկացած հնարավոր հանգամանքի»,- հավելել է նա:

Իրանը հունվարի 5-ին հայտարարել էր 2015 թվականի միջուկային գործարքով պարտավորությունների կրճատման եզրափակիչ՝ 5-րդ փուլի մասին: Թեհրանի նոր քայլը նախատեսում է ԳՀՀԾ-ով հաստատված ուրանի հարստացման ցենտրիֆուգների թվի սահմանափակումից հրաժարում: Հունվարի 14-ին Մեծ Բրիտանիան, Գերմանիան և Ֆրանսիան հայտնել էին, որ Իրանի գործողությունների պատճառով իրենց այլ ընտրություն չի մնում, քան ԳՀՀԾ շրջանակում վեճերի կարգավորման մեխանիզմի գործարկումը: Երկուշաբթի Իրանի ԱԳՆ պաշտոնական ներկայացուցիչ Աբաս Մուսավին հայտարարել էր, որ եվրոպական երկրներն այդ մեխանիզմն առայժմ չեն գործարկել:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 14%
Քամի՝ 2,57 կմ/ժ
28 C°
 
32°  19° 
07.07.2022
33°  20° 
08.07.2022
Հարցում

Կկարողանա՞ն արդյոք Ռուսաստանն ու Ուկրաինան մոտ ապագայում ճանապարհ հարթել դեպի խաղաղություն: