ԵՐԵՎԱՆ 4 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 011,57 դրամ ԱՐԾԱԹ - 232,04 դրամ ՊԼԱՏԻՆ - 11 513,4 դրամ

Ռուսաստանն իր բուհերում Հայաստանից դիմորդներին կրկին 200-ից ավելի տեղ է հատկացնելու

2018-2019 թվականներին ռուսական բուհերում ուսանելու համար Հայաստանի քաղաքացիների համար հատկացվել էր 210 տեղ, իսկ այս տարի այդ տեղը հաստատապես պակաս չի լինի՝ հաշվի առնելով, որ քվոտաներն ամեն տարի մեծանում են: Այս մասին փետրվարի 10-ին Մոսկվա – Երևան – Բիշքեկ տեսակամրջի ժամանակ ասել է Ռուսաստանի գիտության և բարձրագույն կրթության նախարար Վալերի Ֆալկովը, փոխանցում  է News.am-ը:  

Նա հավելել է, որ ռուսական բուհերում ուսանում է Հայաստանի 2674 քաղաքացի, և նրանցից 740-ից ավելին Ռուսաստանի Դաշնության բյուջեի հաշվին: «Հայաստանից դիմորդները հիմնականում սովորում են Մոսկվայում, Սանկտ Պետերբուրգում, Կրասնոդարում, Մոսկվայի և Ռոստովի մարզերում: Հայաստանի քաղաքացիները հնարավորություն ունեն ռուսական բուհեր ընդունվել հատուկ ծրագրերով՝ ինչպես ուսման վճարովի տեղերում, այնպես էլ բյուջետային: 2024 թվականին նախատեսվում է ԱՊՀ երկրներից դիմորդների համար քվոտաները կրկնապատկել, ինչը լրացուցիչ հնարավորություններ կստեղծի»,- ասել է Ֆալկովը:

Նա շեշտել է, որ միջազգային համագործակցության շրջանակում կարևոր է Հայաստանում ռուսական բուհերի մասնաճյուղերի գործունեությունը, ինչպես նաև գիտատեխնիկական համագործակցությունը:

«Այս առումով սպասում ենք հայ գործընկերների առաջարկներին, քանի որ մենք չենք կարող պարտադրել, բայց կարող ենք նպաստել և աջակցել նման համագործակցությանը»,- նշել է նա:

Վալերի Ֆալկովի խոսքով՝ ամեն տարի աշխարհում ռուսական կրթության պահանջարկն աճում է, և պետությունն աշխատում է, որ այս գործընթացին աջակցի՝ իրականացնելով ծրագրեր և ձգտելով բարձրացնել աշխարհում ռուսական բուհերի վարկանիշը:


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 67%
Քամի՝ 14 կմ/ժ
5 C°
 
  10° 
08.04.2020
  11° 
09.04.2020
Հարցում

Բավարա՞ր եք համարում Հայաստանում կորոնավիրուսի համաճարակի տարածման դեմ ձեռնարկվող միջոցները: