ՌԴ-ն կշարունակի շուկայական գներով նավթ վաճառել Բելառուսին
Ռուսաստանի Դաշնության և Բելառուսի Հանրապետության միջև առաջացած էներգակիրների հետ կապված երկխոսությունը, կարծես, հետաքրքիր փուլ է մտնում:
Հիշեցնենք, որ երկու երկրների միջև 2019թ.-ի վերջին կայացած բանակցությունների անհաջող ելքից հետո ՌԴ-ն մի քանի օրով դադարեցրեց դեպի Բելառուս նավթի մատակարարումը, որից հետո Բելառուսն այլ երկրներից նավթ գնելու հայտարարությամբ հանդես եկավ: Արդյունքում, Մինսկը կարողացավ որոշակի ծավալով նավթ ձեռք բերել Նորվեգիայից (ՌԴ-Բելառուս նավթային լարվածության մասին՝ «ՌԴ-Բելառուս նավթային վեճ. սուվերենության բարձրացո՞ւմ, թե՞ դերակատարի փոփոխություն» հոդվածում ):
Ռուս-բելառուսական նավթային լարվածությունը որակական նոր էսկալացիայի վտանգի ներքո հայտնվեց ԱՄՆ Պետքարտուղար Պոմպեոյի՝ եվրասիական երկրներ, այդ թվում՝ Բելառուս, եռօրյա այցից հետո: Նշենք, որ այցի ընթացքում Պոմպեոն վստահեցրել էր՝ Միացյալ Նահանգները պատրաստ է հարյուր տոկոսով Բելառուսին ապահովել նավթով:
Թվում էր, թե Լուկաշենկոն, ով վերջին երկու տարիներին հատկապես ըմբոստանում է ռուսական նկրտումների դեմ՝ ի դեմս Բելառուսի հետ առավել խորը ինտեգրացիայի անցման, ընդհուպ մինչև վերադարձ միասնական պետությանը, պիտի որ ոգևորվեր ամերիկյան առաջարկից:
Մինչդեռ դեռ վաղ է ուրախանալ, և այդ մասին փաստացի վկայեց Լուկաշենկոյի՝ Սոչի կատարած այցը:
Մեկ հարց է, թե ինչ էր ակնկալում Բելառուսի նախագահն այդ այցից. հավանաբար, քաղաքա-տնտեսական առևտրի հետ գործ ունենք, և Լուկաշենկոյի բանակցային պորտֆելում ամերիկյան առաջարկն էր: Մինչդեռ բոլորովին այլ հարց է, թե ինչ ստացավ այդ երկրի նախագահը Պուտինի հետ հանդիպումից:
Արդյունքներն, առնվազն, այնքան էլ Լուկաշենկոյի սրտով չեն, ինչի մասին վկայում է մի քանի հանգամանք:
Նախ, հանդիպումից հետո, Լուկաշենկոյի՝ ըստ էության հանդիպմանն առնչվող բովանդակային միակ հայտարարությունը եղավ այն, որ երկու նախագահները քննարկել և հիշել են Բելառուսն ու ՌԴ միմյանց կապող պատմական իրադարձություններ, ինչպես նաև «մեկ պետության ներքո համատեղ կյանքի ժամանակները»: Հատկանշական է, որ համատեղ կյանքի մասին հիշատակում է Լուկաշենկոն, ով առավել էժան նավթ ու գազ ստանալու համար ոչ մի կերպ չէր համաձայնվում ՌԴ հետ ավելի խորը ինտեգրացիային և ով Սոչիի հանդիպումից ընդամենը երեք օր առաջ ՌԴ իր սպասվելիք այցը բացատրել էր «ճշմարտության ժամի» վրա հասնելով:
Ընդ որում, ինչն ավելի հետաքրքրիր է, Լուկաշենկոն այդ մասին խոսում է՝ չունենալով Ռուսաստանի կողմից որևէ փոխզիջում. ՌԴ-ն Բելառուսին գազ կշարունակի մատակարարել 2019թ.-ի գներով՝ 127 դոլար հազար խորանարդ մետրի դիմաց, իսկ նավթ՝ շուկայական գներով:
Թե ինչը կարող է լինել Լուկաշենկոյի՝ Սոչիից, ըստ էության, ձեռնունայն վերադառնալու պատճառը, այս պահին դժվար է կանխատեսել: Չի բացառվում, որ Բելառուսում այս տարի սպասվող նախագահական ընտրություններն են, որոնց ընդառաջ երկրի ղեկավարը խուսափում է քաղաքական լուրջ փոփոխությունների հայտ ներկայացնելուց, հատկապես, երբ ամերիկյան առաջարկը նոր բարելավվող հարաբերությունների համար դժվար թե ընկալելի այլընտրանք լինի Ռուսաստանի հետ հարաբերություններին՝ նույն բելառուսական հանրության համար:
Բայց միևնույն ժամանակ ռուսական թանկ նավթի գնումն իր հերթին բացասական ֆոն է ստեղծում, քանի որ նավթամթերքի արտահանման վրա հիմնված տնտեսության վրա դա բացասաբար կազդի:
Ուստի, չի բառացվում՝ ռուս-բելառուսական նավթային երկխոսությունը նոր զարգացումներ ապրի:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 58%
Քամի՝ 1,03 կմ/ժ