ԵՐԵՎԱՆ 22 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 845,76 դրամ ԱՐԾԱԹ - 273,16 դրամ ՊԼԱՏԻՆ - 12 811,8 դրամ

Չավուշօղլուի հետ ԵԱՀԿ ՄԽ համանախագահների հանդիպումը Հայաստանին պետք է դրդի հստակ գործողությունների

 

ԵԱՀԿ Մինսկի խմբի համանախագահների՝ օրերս կայացած հանդիպումը Թուրքիայի ԱԳ նախարար Մևլութ Չավուշօղլուի հետ Հայաստանում որոշակի մտահոգություններ առաջացրեց Ղարաբաղյան հակամարտության կարգավորման գործընթացում Թուրքիայի հնարավոր դերակատարման մեծացման առնչությամբ:

Արտաքին գործերի նախարարությունը, սակայն, որևէ գերբնական բան այստեղ չի տեսնում:

«ԵԱՀԿ Մինսկի խմբի համանախագահներն իրենց աշխատանքային պլանն ունեն, որը հանդիպումներ է ներառում ԵԱՀԿ Մինսկի խմբի անդամ երկրների եւ միջազգային կազմակերպությունների ներկայացուցիչների հետ», - Ազգային ժողովում հարցուպատասխանի ժամանակ հայտարարել է ԱԳ նախարար Զոհրաբ Մնացականյանը՝ հավելելով, որ ԵԱՀԿ Մինսկի խմբի համանախագահներն առաջին անգամը չէ, որ նման այցեր են իրականացնում:

ԱԳ նախարարի այս հիմնավորումները որևէ կերպ համոզիչ չեն հնչում մի շարք պատճառներով: Թեև նախկինում Մինսկի խմբի համանախագահների այցեր Անկարա եղել են, սակայն դրանք պարբերական բնույթ չեն կրել, ավելի որպես կանոն եղել են տարածաշրջանային հստակ զարգացումների ժամանակ, երբ Թուրքիան հնարավորություն է տեսել գործընթացի վրա որևէ կերպ ազդելու:

Հանդիպումը հնարավոր չէ որպես շարքային դիտել նաև այն պատճառով, որ Մինսկի խմբի համանախագահների հանդիպումը խմբի անդամ երկրների հետ առնվազն չպետք է սահմանափակվի Թուրքիայով՝ եթե, իհարկե, նման հանդիպում անցկացնելը Անկարային առաձնին նախաձեռնությունը չէ:

Սակայն այդ դեպքում ևս հարցեր են առաջանում: Ոչ մեկի՝ այդ թվում համանախագահների համար գաղտնիք չէ Ղարաբաղյան հակամարտության կարգավորման հարցում Թուրքիայի միակողմանի դիրքորոշումը և Ադրբեջանին ցուցաբերվող ռազմաքաղաքական աջակցությունը: Ինչո՞ւ չեն արվել քայլեր, օրինակ բացառելու Թուրքիայի ԱԳ նախարարի կողմից հանդիպման արդյունքներով ադրբեջանամետ հայտարարությունը՝ հաշվի առնելով, որ հանդիպման փաստը միայն բավականին զգայուն է հայկական կողմերի համար:

Նշենք, որ համոզիչ չեն հնչում նաև պաշտանական Երևանի հայտարարություններն այն մասին, որ Ղարաբաղյան հակամարտության կարգավորման գործընթացում Թուրքիայի ցանկացած դերակատարում բացառվում է: Նախ, Թուրքիան շարունակում է հանդիսանալ Մինսկի խմբի անդամ: Եվ երկրորդ, Թուրքիան տարածաշրջանային հիմնական խաղացողներից է, որն ակնհայտ հետաքրքվածություն ունի Ղարաբաղյան հակամարտության հարցում և ազդեցություն հակամարտության կողմերից մեկի՝ Ադրբեջանի վրա: Սա Թուրքիային հնարավորություն է տալիս առնվազն ոչ ֆորմալ ազդեցություն ունենալ կարգարվորման գործընթացի վրա:

Ուստի, Ղարաբաղյան կարգավորման համատեքստում Թուրքիայի նման գործողությունները և հայտարարությունները պաշտոնական Երևանի մոտ, ճիշտ է, չպետք է խուճապ առաջացնեն, սակայն պետք է դրդեն հստակ գործողությունների, որոնք տեսանելի չեն առնվազն հանրային մակարդակում: Մասնավորապես, Երևանը պետք է աշխատի Ղարաբաղյան հակամարտության հարցով Թուրքիայի հետ համանախագահների առանձին հանդիպումները բացառելու ուղղությամբ:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 46%
Քամի՝ 9 կմ/ժ
22 C°
 
17°  27° 
03.06.2020
15°  28° 
04.06.2020
Հարցում

Բավարարվա՞ծ եք ՄԻԵԴ որոշումով՝ կապված Գուրգեն Մարգարյանին սպանողին հերոսացնելու գործի հետ: