ԵՐԵՎԱՆ 7 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 011,57 դրամ ԱՐԾԱԹ - 232,04 դրամ ՊԼԱՏԻՆ - 11 513,4 դրամ

Չինաստանում ապաքինվել է կորոնավիրուսով վարակվածների 77,7 տոկոսը

Point.md

Չինաստանում կորոնավիրուսի նոր տեսակով հիվանդների թիվն օրեցօր նվազում է, հիվանդանոցներից դուրս է գրվել ընդհանուր վարակվածների արդեն 77,7 տոկոսը, կորոնավիրուսից մահացությունը ներկայում 3,9 տոկոս է, վկայում են ՉԺՀ առողջապահության հարցերով պետական հանձնաժողովի տվյալները, ՌԻԱ Նովոստին:

Վերջին տվյալների համաձայն՝ Չինաստանի հատուկ վարչական շրջան Հոնկոնգում կորոնավիրուսով վարակվելու հաստատված դեպքերի թիվը հասել է 80 793-ի, որոնցից 62 793-ը բուժվել են և դուրս են գրվել հիվանդանոցներից. դա վարակակիրների ընդհանուր թվի 77,7 տոկոսն է:

Համաճարակի բռնկման պահից ի վեր ամբողջ Չինաստանում, բացառությամբ՝ Հուբեյ նահանգի,  գրանցվել է վարակման 13 012 դեպք, որոնցից 113-ը՝ մահվան ելքով, մահացությունը կազմել է 0,86 տոկոս: Համաճարակի օջախ Հուբեյ նահանգում հայտնաբերվել է վարակման 67 781 դեպք, 3056 մարդ մահացել է, մահացությունը կազմել է 4,5 տոկոս: Ընդ որում, համաճարակի օջախում մահացությունը կազմել է 4,86 տոկոս:

Ընդհանուր առմամբ համաճարակը խլել է արդեն 3169 մարդու կյանք, մահացությունը երկրում միջին հաշվով կազմել է 3,9%:

Վերջին շրջանում Չինաստանի համաճարակաբանական իրավիճակը բարելավվում է, վերջին մեկ օրվա ընթացքում ամբողջ երկրում գրանցվել է վարակման ընդամենը 15 նոր դեպք, որոնցից 6-ը ներս են թափանցել այլ երկրներից, ևս 8 դեպք գրանցվել է Հուբեյ նահանգում:

Չինաստանի իշխանություններն անհայտ տեսակի վիրուսի համաճարակի մասին Առողջապահության համաշխարհային կազմակերպությանը տեղյակ էին պահել դեկտեմբերի 31-ին: Համաճարակը բռնկվել է 11 մլն բնակչություն ունեցող Ուհան քաղաքում:

ԱՀԿ-ն կորոնավիրուսի տարածումն աշխարհում համավարակ է հայտարարել. Մարտի 11-ի դրությամբ կորոնավիրուսի հայտնաբերման դեպքեր են արձանագրվել 114 երկրում, վարակակիրների թիվը կազմում է 118 000 մարդ, մահացել է 4373 մարդ: 


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 73%
Քամի՝ 8 կմ/ժ
8 C°
 
  10° 
08.04.2020
  12° 
09.04.2020
Հարցում

Բավարա՞ր եք համարում Հայաստանում կորոնավիրուսի համաճարակի տարածման դեմ ձեռնարկվող միջոցները: