Եղանակը մի քիչ «քաշում» է, ուշ է տաքանում. Արսեն Թորոսյան

• 26.03.2020, 18:31
•  Աշխարհ,  Հայաստան

Եղանակը մի քիչ «քաշում» է, ուշ է տաքանում. մի քիչ, որ շուտ տաքանար, լավ կլիներ, որովհետև ազատ, տաք միջավայրում վիրուսը երկար չի դիմանում։ Այս մասին այսօր՝ մարտի 26–ին, լրագրողների հետ հանդիպման ժամանկ ասաց առողջապահության նախարար Արսեն Թորոսյանը՝ պատասխանելով լրագրողի հարցին, թե արդյոք կա՞ կանխատեսում, թե ՀՀ–ում կորոնավիրուսը, երբ կհասնի իր պիկին, և երբ կսկսի թուլանալ, փոխանցում է News.am-ը: 

Թորոսյանի խոսքով՝ փորձելու են այնպես անել, որպեսզի պիկ չունենանք. «Եթե մեծ պիկեր ունեցանք, որն որ օրինակ՝ Իտալիայում կամ Իրանում, դրանք աղետալի պիկեր են լինելու երկրի համար, թե առողջապահական, թե հումանիտար առումով և մեր բոլորի պարտքն է այդ պիկը թույլ չտալը։ Դա ինչ որ մեկի պատասխանատվության ոլորտը չէ, դա  մեր ամբողջ երկրի՝ քաղաքացիների, պետության, կառավարության և բոլոր քաղաքացիների պատասխանատվության շրջանակում է, որ մենք պիկ չունենանք, իսկ ունենալու դեպքում ունենանք շատ փոքր պիկ, որը կլինի տանելի մեր բոլորի համար»։