Արարատի մարզում կորոնավիրուսով վարակվածների թիվը հասել է 85-ի. մարզպետ

• 30.03.2020, 18:24
•  Հայաստան

Արդեն հայտարավել է, որ մեր մարզում ունենք մեծ թվով կորոնավիրուսով վարակվածներ, նրանց թիվը երեկվա տվյալներով հասնում է 85-ի: Այս մասին ֆեյսբուքյան ուղիղ եթերում հայտարարել է Արարատի մարզպետ Գարիկ Սագսյանը, փոխանցում է Tert.am-ը:

«Մեր հայրենակիցները խախտում եմ տեղաշարժման սահմանափակումները և ոստիկանների իրականացրած միջոցառումների արդյունքում ենթարկվել են վարչական պատասխանատվության: Եղել են մեկուսացման ենթարկված անձիք, ովքեր խախտել են այդ պահանջները, հաճախել են աշխատանքի՝ վտանգելով իրենց գործընկերների առողջությունը»,- ասաց նա և կոչ արեց տարեցներին՝ մնալ տանը, քանի որ լինում են դեպքեր, երբ նրանք 6-7 հոգով իջնում են բակ ու զրուցում:

Մարզպետը ներկայացրել է նաև վարակվածների թիվը՝ ըստ համայնքների․ «Մասիս քաղաքում թվով 13, Նոր Խարբերդում 9-ը, Նոր Կյուրինում՝ 12, Այնթափում՝ 6, Հայանիստում՝ 2, Դարակերտում՝ 1, Արբատում՝ 1, Մխչյանում՝ 5, Բուրաստանում՝ 1, հնարավոր է շատանան, քանի որ կոնտակտավոր անձինք կան, Ջրաշենում՝ 6, Դիտակում՝ 2, Դալարում՝ 2, Դվինում՝ 1, Վերին Դվինում՝ 6, Այգեզարդում՝ 1,Նորաշենում՝ 2, Այգեպատում՝ 2, Այգեստանում՝ 1»։