Կորոնավիրուսի վարակման հաստատված դեպքերի թիվը հասավ 532-ի. Ալինա Նիկողոսյան

• 31.03.2020, 13:25
•  Հայաստան

Հայաստանում մարտի 31-ին՝ ժամը 11:00-ի դրությամբ նոր կորոնավիրուսով վարակվելու 50 նոր դեպք է գրանցվել: Այս մասին Facebook-ի իր էջում գրել է առողջապահության նախարարի խոսնակ Ալինա Նիկողոսյանը:

Նշենք, որ նրանցից 23-ը գտնվել է կարանտինում, 24-ը հաստատված դեպքի կոնտակտավոր է: 3 դեպքի շփման շրջանակը պարզվում է:

Հիշեցնենք, որ երեկ հաղորդված տվյալների համաձայն՝ գրանցվել էր կորոնավիրուսի 482 դեպք:

Ընդհանուր առմամբ՝ մարտի 31-ին հաստատվել է կորոնավիրուսի 532 դեպք:

Բացասական արդյունք է արձանագրվել 2216 թեստավորման դեպքում: Փաստացի այս պահին բուժվում է 449 անձ:

Ապաքինվել է 30 անձ, 3 պացիենտ մահացել է: