ԵՐԵՎԱՆ 20 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 763,76 դրամ ԱՐԾԱԹ - 269,15 դրամ ՊԼԱՏԻՆ - 12 944,31 դրամ

Եթե անհրաժեշտություն լինի Սերժ Սարգսյանի համար միջնորդություն ներկայացնել, բնականաբար, կգամ և կներկայացնեմ. Բակո Սահակյան

Artsakhpress.am

Դա չի կարող հաճույք պատճառել ո՛չ ինձ, ո՛չ Արցախի քաղաքացիներին ու, ավելի քան համոզված եմ, որ ՀՀ քաղաքացիներին ևս, ընդհանրապես՝ հայ ժողովրդին, Արցախում լրագրողների հետ զրույցում ասաց ԱՀ նախագահ Բակո Սահակյանը՝ պատասխանելով հարցին, թե ինչպես է վերաբերվում, երբ տեսնում է, որ ՀՀ երկրորդ և երրորդ նախագահները դատական գործընթացներով են անցնում, փոխանցում է Aysor.am-ը։

«Մենք խոսում ենք առաջնորդների մասին, ովքեր ժամանակին ղեկավարել են ազգային-ազատագրական պայքարը և սկզբնական շրջանում նաև կազմակերպել են այդ զինված դիմադրությունը: Հետագայում իրենք իրենց մասնակցությունն են բերել բանակաշինության գործին, իրենք մասնակցություն են ունեցել մեր հայրենիքի բարօրության ապհովմանը: Պարզ է, որ չի կարող նրանց ներկայիս վիճակը չառաջացնել այդ, այսպես ասած, ոչ հասարակ տրամադրությունները մեր ժողովրդի մոտ», - ասաց Բակո Սահակյանը։

Արձագանքելով դիտարկմանը, որ ՀՀ երկրորդ և երրորդ նախագահների պաշտոնավարման շրջանում «Մարտի 1» է տեղի ունեցել, Բակո Սահակյանն ասաց.

«Եթե նկատել եք, այս ամբողջ ընթացքում մենք ցուցաբերել ենք այդ զգաստությունը և զսպվածությունը, և մեր խոսքը կառուցելիս, մեր մեկնաբանությունները տալիս մենք իրավական գնահատականներ չենք տվել, լինի դա մեր միջնորդությունը դատարանում, լինեն այլ գործողություններ իմ կողմից և մեր կողմից նախաձեռնված: Միայն նպատակ էին հետապնդում, իմ կողմից նշված իրողությունները հաշվի առնելով, ընդգծել, որ խոսում ենք մարդկանց մասին, որոնց մասնակցությունը հայ ժողովրդի նորագույն պատմության մեջ դժվար է չգնահատել»։

Հարցին, եթե Սերժ Սարգսյանի համար միջնորդություն ներկայացնելու անհրաժեշտություն լինի, կգա՞ Հայաստան և կներկայացնի՞ միջնորդություն, Բակո Սահակյանը պատասխանեց.

«Եթե դրա անհրաժեշտությունը լինի՝ բնականաբար»։


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 40%
Քամի՝ 4 կմ/ժ
20 C°
 
14°  26° 
31.05.2020
14°  28° 
01.06.2020
Հարցում

Բավարարվա՞ծ եք ՄԻԵԴ որոշումով՝ կապված Գուրգեն Մարգարյանին սպանողին հերոսացնելու գործի հետ: