MYSQL ERROR: [1064]You have an error in your SQL syntax; check the manual that corresponds to your MariaDB server version for the right syntax to use near '' at line 1 Հայաստանը պետք է մշակի ադրբեջանական քարոզչությանը հակազդելու առավել արդյունավետ մեխանիզմներ
ԵՐԵՎԱՆ C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 845,76 դրամ ԱՐԾԱԹ - 273,16 դրամ ՊԼԱՏԻՆ - 12 811,8 դրամ

Հայաստանը պետք է մշակի ադրբեջանական քարոզչությանը հակազդելու առավել արդյունավետ մեխանիզմներ

Ադրբեջանն անցնող օրերին հրապարակեց միջազգային տարբեր կառույցների խորհրդարանական վեհաժողովներում ադրբեջանական պատվիրակությունների կազմը: Ինչպես և ակնկալվում էր, այսպես կոչված «Լեռնային Ղարաբաղի ադրբեջանական համայնքի» ղեկավար Թուրալ Գյանջալիևն ակտիվորեն զբաղվելու է խորհրդարանական դիվանագիտությամբ: Նա ընդգրկվել է Եվրոպայի խորհրդի խորհրդարանական վեհաժողովի և Եվրանեսթ ԽՎ ադրբեջանական պատվիրակությունների կազմում:

Գյանջալիևի ներկայությունն այդ պատվիրակություններում հուշում է, որ Բաքուն փորձելու է այդ հարթակներն էլ ավելի ակտիվորեն օգտագործել Ղարաբաղյան հակամարտության վերաբերյալ ադրբեջանական ապատեղեկատվություն տարածելու և հակահայկական քարոզչություն իրականացնելու համար: 

Թվում է, թե Բաքվի այս ձեռագրում որևէ նոր բան չկա. Ադրբեջանը մշտապես միջազգային ամբիոններից փորձել է խեղաթյուրել Ղարաբաղյան հակամարտության էությունը: Սակայն Գյանջալիևի կողմից այս քարոզչությունը կարող է շատ ավելի ազդեցիկ լինել:

Ադրբեջանը 2018 թվականի վերջից ակտիվ աշխատանք է իրականացնում այսպես կոչված «Լեռնային Ղարաբաղի ադրբեջանական համայնքի» լեգիտիմացման ուղղությամբ: Այս երկու տարվա ընթացքում այդ մտացածին միավորի ղեկավար Թուրալ Գյանջալիևը, ով, ի դեպ, կադրային դիվանագետ է, ակտիվորեն աշխատում էր կառույցը միջազգային ընկալումներում լեգիտիմացնելու ուղղությամբ: Այդ հարցում առանձնակի կարևոր էին ԵԱՀԿ Մինսկի խմբի համանախագահ երկրներից Ֆրանսիայի և ԱՄՆ-ի դեսպանների հետ հանդիպումները, ՌԴ ԱԳ նախարարի հայտարարությունը, ինչպես նաև հանդիպումը ԵԱՀԿ գործող նախագահի անձնական ներկայացուցիչ Անջեյ Կասպրշիկի հետ, ով Գյանջալիևի հետ հանդիպում է ունեցել վերջինիս պատգամավոր ընտրվելուց հետո:

Պետք է նկատել, որ Ղարաբաղյան հակամարտությանը միջհամայնքային բնույթ հաղորդելու հարցում Ադրբեջանի տարիների երազանքի ուղղությամբ  Բաքվի այս ձեռքբերումներին նպաստել է նաև Հայաստանի պատկան մարմինների անգործությունը:

Հայաստանի Հանրապետության արտաքին գործերի նախարարությունն այդ, այսպես կոչված, համայնքի ակտիվացման մեջ չէր ցանկանում որևէ անհանգստացնող բան տեսնել և դրա դեմ որևէ կանխարգելիչ քայլ անել:

Արդյունքում, այսօր արդեն պատգամավորի կարգավիճակ ստացած Գյանջալիևը խորհրդարանական դիվանագիտության հարթակներում ներկայանալու է ոչ թե որպես ուղղակի պատգամավոր, այլ «Լեռնային Ղարաբաղի ադրբեջանական համայնքի» կողմից ընտրված ներկայացուցիչ, որը, ի դեպ, հավակնում է ներկայացնել նաև հայերի շահերը:

Ի տարբերություն մեր ԱԳՆ-ի, շատ երկրներ կարող են բավականին լուրջ ընդունել այդ մտացածին միավորը և նրա ղեկավարին:  Մինչ այս Գյանջալիևի ունեցած միջազգային հանդիպումների շրջանակն առնվազն խոսում է այդ սցենարի մեծ հավականության մասին:

Նման պայմաններում մեր դիվանագիտությունը պետք է հրաժարվի այս հարցում «ջայլամի» քաղաքականությունից և մշակի ադրբեջանական քարոզչությանը հակազդելու առավել արդյունավետ մեխանիզմներ և սկսի կիրառել դրանք: 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 43%
Քամի՝ 8 կմ/ժ
23 C°
 
17°  27° 
03.06.2020
15°  28° 
04.06.2020
Հարցում

Բավարարվա՞ծ եք ՄԻԵԴ որոշումով՝ կապված Գուրգեն Մարգարյանին սպանողին հերոսացնելու գործի հետ: